एजेन्सी। नासाको सोलार डाइनामिक्स अब्जर्भेटरीले सूर्यको वायुमण्डलमा ठूलो कोरोनल प्वाल बनेको देखाउँदै एउटा तस्बिर जारी गरेको छ। जसले पृथ्वीतर्फ तीव्र गतिमा चल्ने सौर्य वायुको प्रवाहलाई सूर्यबाट बाहिर निकालेको थियो।

नासा गोडार्डको हेलियोफिजिक्स साइन्स डिभिजनका एसोसिएट डाइरेक्टर एलेक्स यंगलाई उदृत गर्दै बिजनेस इनसाइडरले लेखेको छ , "हालको कोरोनल प्वाल ठुलो हो, लगभग ३ देखि ४ लाख किलोमिटरको दूरीमा छ।" उसले भन्यो, "त्यो ३० वटा पृथ्वीहरू भन्दा ठुलो छ।"

यंगले भनेका छन् कि कोरोनल प्वालहरूले सौर्य हावाहरू निकाल्छन् जुन प्रति सेकेन्ड ५ सय देखि ८ सय किलोमिटरको बिचमा प्रवाह हुन्छ । उनले कोरोनल मास इजेक्शन शुक्रवारसम्म पृथ्वीमा पुग्ने बताए।

उनका अनुसार हामीले मार्च २४ अर्थात् भोलि शुक्रबार उच्च-गतिको हावाको प्रभावहरू देख्न सुरु गर्नेछौँ। "जब तीव्र गतिको हावा पृथ्वीमा पुग्छ, त्यसले बोक्ने कण र चुम्बकीय क्षेत्रले पृथ्वीको चुम्बकीय क्षेत्रसँग अन्तरक्रिया गर्नेछ, प्रभावकारी रूपमा यसलाई हल्लाउने वा घण्टी बजाउने जस्तै हुनेछ," उनले भने।

स्पेस वेदर वेबसाइट सोलारह्यामले सौर्य हावा पृथ्वीमा आउँदा यसले मध्यम स्तरको भू-चुम्बकीय आँधी उत्पन्न गर्ने बताएको छ। यस हप्ताको भूचुम्बकीय आँधीको जोखिमको अतिरिक्त, सनस्पट साइकल पहिले नै सुरु भइसकेको छ र सक्रिय हुने अनुमान गरिएको छ। यसले डिजिटल अर्थतन्त्रको लागि समस्या निम्त्याउन सक्छ किनकि सौर्य ज्वालाहरूबाट हुने अवरोधहरूले कतिपय पावर स्टेसनदेखि स्याटलाइटमा असर पुर्‍याउँदा आर्थिक क्षति निम्त्याउन सक्छ।

गत वर्ष एलोन मस्कको स्याटलाइट इन्टरनेट सेवा स्टार लिङ्कले भू-चुम्बकीय आँधीले त्यसलाई कक्षाबाट बाहिर निकालेपछि ४० उपग्रहहरू गुमाएको थियो।