aarthiknews.com विहीबार, २६ माघ २०७९   Thursday, 09 February, 2023
 
kalapathar

नेशनल लाईफको एमडिआरटी सम्मान तथा तालिम कार्यक्रम सम्पन्न

  • आर्थिकन्यूज
    आर्थिकन्यूज
  • सोमबार, ०९ माघ २०७९
nabil bank
kispangmun.gov.np/
नेशनल लाईफको एमडिआरटी सम्मान तथा तालिम कार्यक्रम सम्पन्न
bhotekoshimun.gov.np/
LBF

काठमाडौं । नेशनल लाईफ इन्स्योरेन्स कम्पनीले नेशनल लाईफको एमडिआरटी सम्मान तथा तालिम कार्यक्रम सम्पन्न गरेको छ कम्पनीले माघ ६ गते देखी ८ गते सम्म मधेश प्रदेशको बिरगंज स्थित होटल क्लार्क रिसोर्टमा कम्पनीका प्रमुख कार्यकारी अधिकृतको सभापतित्वमा  एमडिआरटी सम्मान तथा तालिम कार्यक्रम सम्पन्न गरेको हो ।

तोकिएको बीमाशुल्क संकलन गरी नेपालभरबाट योग्य भएका १२६ जना अभिकर्ताहरुको सहभागितामा कम्पनीले तालिम तथा सम्मान कार्यक्रम सम्पन्न गरेको हो । प्रमुख कार्यकारी अधिकृत सुरेश प्रसाद खत्रीले पानसमा द्धिप प्रज्वलन गर्दै शुभारम्भ गरिएको सम्मान कार्यक्रममा सहभागि भएका अभिकर्ताहरुलाई अन्तर्राष्ट्रिय प्रशिक्षक तरुण ओझाले उनीहरुको व्यवसायिक दक्षता अभिवृद्धि गराउने उदेश्यल व्यक्तित्व विकास सम्वन्धमा प्रशिक्षण प्रदान गरेका थिए ।  

कार्यक्रममा नयाँ बीमा ऐन २०७९ ले अभिकर्ताहरुबारे गरेको कानुनी व्यवस्था सम्वन्धमा र अभिकर्ता इजाजत पत्र आवेदन सम्वन्धमा गरेको व्यवस्थाका बारेमा विस्तृत जानकारी गराइएको थियो ।

समारोहमा प्रमुख कार्यकारी अधिकृतले कम्पनीका सबै संरचनाहरु उत्कृष्ट रहेको, कम्पनीको बोनस दर आकर्षक रहेको जानकारी गराउँदै अभिकर्ताहरुको अथक परिश्रम र मेहनतका कारण नै कम्पनी सँधै अब्बल रहने भएकाले अभिकर्ता सञ्जाललाई अझ व्यवसायिक बनाउन यथाशक्य थप लगानी गर्ने र कम्पनीलाई अग्रस्थानमा पुर्याउन महत्वपूर्ण भुमिका खेल्ने अभिकर्ता समूहको वृत्ति विकासलाई कम्पनीले सँधै प्राथमिकतामा राख्ने प्रतिवद्धत्ता व्यक्त गरे ।

कम्पनीका बिरगंज शाखाका शाखा प्रमुख प्रकाश कुमार सिंहले संचालन गरेको सो समारोहमा एमडिआरटी, सिओटी र टिओटीका लक्ष्य पुयाएर सहभागि भएका अभिकर्ताहरुलाई  प्रमुख कार्यकारी अधिकृतले सम्मान गरेका थिए । सम्मानित बिजनेश लिडरहरुले सम्मान ग्रहण गर्न पाउँदा आफूले गरेको मेहनतको कदर भएको र अत्यन्तै गर्व लागेको बताएका थिए । 

प्रतिक्रिया दिनुहोस