आर्थिकन्यूज
काठमाडौं । आज काठमाडौंमा अत्याधिक चिसो महसुस गरिएको छ । आज बिहान पौने ६ बजेको विवरण अनुसार काठमाडौंको तापक्रम ३ दशमलव ६ डिग्री सेल्सियस मापन गरिएको मिौसम पुर्वानुमान महाशाखाले जनाएको छ ।
महाशाखाका अनुसार हाल देशमा उल्लेखनीय मौसमी प्रणाली छैन । प्रदेश १ र गण्डकी प्रदेशका पहाडी भू–भागका थोरै स्थानमा आंशिक बदली रहि देशका बाँकी भू–भागमा मौसम सामान्यतया सफा रहेको छ ।
आज दिउँसो प्रदेश १ का पहाडी भू–भागमा आंशिक बदली रही देशका बाँकी भू–भागमा मौसम सामान्यतया सफा रहनेछ ।
रातीː बागमती प्रदेश र मधेश प्रदेश लगायत प्रदेश १ का पहाडी भू–भागमा आंशिक बदली रही देशका बाँकी भू–भागमा मौसम सामान्यतया सफा रहनेछ ।
तराईका केहि भू(भागहरूमा बिहानीपख हुस्सु र कुहिरो लागेर दैनिक जनजीवन, स्वास्थ्य, सडक तथा हवाई यातायातमा समेत सामान्य प्रभाव पर्न सक्ने सम्भावना रहेकोले आवश्यक सावधानी तथा सतर्कता अपनाउन महाशाखाले आग्रह गरेको छ ।
