आर्थिकन्यूज
काठमाडौं । शिखर इन्स्योरेन्स कम्पनीको गत आवको नाफा अघिल्लो आवको तुलनामा १८ प्रतिशत बढेर ४७ करोड २९ लाख पुगेको छ । कम्पनीले अघिल्लो आवमा ३९ करोड ९२ लाख नाफा कमाएको थियो ।
कम्पनीले १ अर्ब ८५ करोड कुल दाबी भुक्तानी गरेको छ भने ८१ करोड १६ लाख भुक्तानी गर्न बाँकी रहेको छ । कम्पनीको प्रतिशेयर आम्दानी ४४ दशमलव ७३ रहेको छ । नेटवर्थ २५० दशमलव १७ रहेको छ । कम्पनीले गत आवमा ३ अर्ब ५१ करोड बीमा शुल्क आर्जन गरेको छ । कम्पनीले अघिल्लो आवमा ३ अर्ब ३३ करोड आर्जन गरेको थियो । कम्पनीले जगेडा कोषमा रू. ४५ करोड ७० लाख जम्मा गरेको छ । कम्पनीको चुक्तापूँजी १ अर्ब ५ करोड रुपैयाँ पुगेको छ ।
