आर्थिकन्यूज
काठमाडौं । रिलायन्स फाइनान्सले आर्थिक वर्ष २०८०–८१ को नाफाबाट लाभांश वितरण नगर्ने भएको छ । कम्पनीको सञ्चालक समितिको शुक्रबार (चैत २९ गते) बसेको बैठकले लाभांश वितरण नगर्ने निर्णय गरेको हो ।
कम्पनीले वित्तीय विवरण नियामक नेपाल राष्ट्र बैंकमा पेश गर्ने जानकारी पनि गराएको छ । यसअघि फाइनान्सले आर्थिक वर्ष २०७९–८० को नाफाबाट पनि लाभांश वितरण गरेको थिएन । कम्पनीले अन्तिमपटक आर्थिक वर्ष २०७८–७९ को नाफाबाट ६.५० प्रतिशत बोनस शेयर र कर तिर्न ०.३४ प्रतिशत नगद लाभांश वितरण गरेको थियो ।
