काठमाडौें। मल्टीपर्पस फाइनान्स र फोनपे नेटवर्कबीच क्रसबोर्डर व्यवसायिक सेवामा सम्झौता भएको छ। चैत्र १५ गते फाइनान्स र नेटवर्कबीच क्रसबोर्डर सेवा सम्झौता भएको हो।
फाइनान्स कम्पनीहरूमा आफ्ना सेवाग्राहीहरूलाई यस्तो सेवा प्रदान गर्ने मल्टीपर्पस फाइनान्स पहिलो बनेको छ। सम्झौतामा फाइनान्सको तर्फबाट नायब महाप्रबन्धक प्रदीपकुमार सिंह र फोनपे नेटवर्कको तर्फबाट प्रदेश प्रमुख पशुपति मिश्रले क्रसबोर्डर व्यवसायिक भुक्तानीको सम्झौता गरी सेवाको सुरुवात गरिएको सो कम्पनीले जानकारी दिएको छ।
यस सेवा अन्तर्गत पहिलो चरणमा वित्तीय संस्थामार्फत क्यूआर भुक्तानी सेवा लिएका सेवाग्राहीहरूले व्यवसायहरूमा कारोबार गर्दा हाललाई भारतीय यूपीआई अन्तर्गतका बीएचआइएम तथा फोनपे एपमार्फत नेपालस्थित मल्टीपर्पस फाइनान्स लिमिटेडका फोनपे क्यूआरमा प्रयोग गर्न सकिने फाइनान्सका नायब महाप्रबन्धक सिंहले बताए।
