आर्थिकन्यूज
काठमाडौं । पछिल्ला पाँच दिन लगातार बढेको सुनको मूल्य मंगलबार भने घटेको छ । यसदिन सुन तोलामा ८०० रुपैयाँले घटेर प्रतितोला १ लाख ५५ हजार रुपैयाँमा कारोबार भैरहेको छ ।
नेपाल सुनचाँदी व्यवसायी महासंघका अनुसार गएका पाँच दिनमा सुनको मूल्य तीन हजार ८०० रुपैयाँले बढेको थियो ।
यस्तै, आज चाँदीको मूल्य पनि घटेको छ । यसदिन चाँदी तोलामा ४० रुपैयाँले घटेर प्रतितोला एक हजार ८२० रुपैयाँमा कारोबार भइरहेको छ ।
