आर्थिकन्यूज
काठमाडौँ । गत साता सोमबार र मंगलबार स्थिर रहेको सुनको मूल्य बुधबारयता निरन्तर बढ्दै गएको छ । बुधबार सुन तोलामा ५०० रुपैयाँ तथा बिहीबार र शुक्रबार ८००-८०० रुपैयाँले बढेकोमा आइतबार एकैदिन सुन तोलामा एक हजार ६०० रुपैयाँले बढेको छ ।
सुनचाँदी व्यवसायी महासंघका अनुसार आइतबार सुन प्रतितोला १ लाख ५५ हजार ७०० रुपैयाँमा कारोबार भैरहेको छ । शुक्रबार सुनको मूल्य तोलामा १ लाख ५४ हजार १०० रुपैयाँ थियो ।
यस्तै आज चाँदीको मूल्य पनि तोलामा १५ रुपैयाँले बढेको छ । यसदिन चाँदी प्रतितोला १ हजार ८६० रुपैयाँमा कारोबार भैरहेको छ ।
