आर्थिकन्यूज
जनकपुर । जनकपुरधाममा विहानै एक जना पुरुषको शव फेला परेको छ ।
जनकपुरधामको विद्यापती चोकस्थित दुर्गा मन्दिर परिषर भित्रै एक जना पुरुषको शव फेला परेको छ । अन्दाजी ४०-४५ वर्षको पुरुष रहेको तर पहिचान खुल्न नसकेको धनुषा प्रहरीले जनाएको छ । शवको मुखमा कुनै वस्तुले प्रहार गरेको देखिएको छ र छेउमै ईटा पनि फेला परेको धनुषाका एसपी भुवनेश्वर तिवारीले जानकारी दिएका छन् ।
घटना स्थलमा तालिम प्राप्त कुकुरको टोली परिचालन गरिएको छ, उनले भने । यता स्थानीयहरुले राति मापसे गरेर केही व्यक्तिले होहल्ला गर्दै गरेको सुनेको बताए । उनीहरुले दिनहूँ मापसे गरेर मन्दिर छेउछेउबाट मान्छेहरु हिँडडुल गर्ने गरेकोले आफूहरुले ब्वास्ता गरेको जानकारी दिए ।
घटना सम्बन्धी अनुसन्धान भइरहेको धनुषा प्रहरीले जनाएको छ ।
