आर्थिकन्यूज
काठमाडौं । शौर्य सिमेन्ट इण्डष्ट्रिज लिमिटेडको तेस्रो वार्षिक साधारण सभा पुस १२ गते हुने भएको छ । सभा कम्पनीको रजिष्टर्ड कार्यालय नक्साल काठमाडौंमा बिहान १०ः३० बजे शुरु हुने जनाएको छ ।
सभाले आर्थिक वर्ष २०८०/८१ को वार्षिक प्रतिवेदन छलफल गरी पारित गर्नुका साथै चालू आवको लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पारित गर्नेछ ।
त्यस्तै सभाले बैंक ऋण र चन्दा उपहार अनुमोदन गर्ने र सञ्चालक समितिका निर्णयहरु अनुमोदन गर्ने विशेष प्रस्ताव पनि पारित गर्नेछ ।
यस कम्पनीले आईपीओ निष्कासनको अनुमति माग गर्दै नेपाल धितोपत्र बोर्डसमक्ष २०८० पुस १२ गते आवेदन दिएको छ । कम्पनीले प्रतिकित्ता २६४.५१ रुपैयाँ प्रिमियम मूल्यमा स्थानीय बासिन्दा र आम सर्वसाधारणका लागि आईपीओ निष्काशनको माग गरेको छ ।
कम्पनीले ४ अर्ब २२ करोड ७२ लाख ६६ हजार रुपैयाँबराबरको १ करोड ५९ लाख ८१ हजार ५ सय कित्ताका लागि अनुमति माग गरेको छ । कम्पनीको आईपीओ निष्काशन तथा बिक्री प्रबन्धकको रुपमा नबिल इन्भेष्मेन्ट एण्ड बैंकिङ रहेको छ ।
