आर्थिकन्यूज
काठमाडौं । बुद्ध एयरले १९ औं एटिआर जहाज भित्र्याएको छ । नँया आएको जहाज एटिआर–७२ हुन् । यससँगै एटिआर–७२ जहाजको संख्या १६ पुगेको छ । नयाँ जहाजको आवश्यक कागजी प्रक्रिया पु¥याई डिसेम्बर महिनाको अन्त्यबाट उडान सेवामा ल्याईने बुध्द एयरले प्रेस विज्ञप्तिमार्फत जनाएको छ ।
बुद्ध एयरले कल साईन नाइन एन(एओजी जहाज फ्रान्सको एटिआर कम्पनी, तुलुसबाट भित्र्याएको छ । बुद्ध एयरसँग ३ वटा एटीआर–४२–३२० र १६ वटा एटिआर–७२–५०० जहाजहरु रहेका छन् । बुद्ध एयरले केही समय अगाडी मात्रै एउटा एटिआर–४२–३२० जहाजलाई उडानबाट विदाई गरेको थियो । त्यस जहाजको डिरजिष्ट्रेशन प्रक्रियामा रहेको छ ।
हवाई उडानलाई सहज र सरल बनाउने प्रतिवद्धता अनुरुप बुद्ध एयरल आफ्नोे बेडामा नँया जहाज थप गरेको हो । बुद्ध एयरका बजार निर्देशक रुपेश जोशीले सहज भाँडासँगै उडान संख्या उल्लेख्य वृद्धि भए अनुरुप यात्रुहरुले आफ्नोे समय अनुकल उडान भर्न सक्ने जनाएका छन् । हामी उडान तालिकालाई बढी भन्दा बढी प्रभावकारिकाताका साथ सञ्चालन गर्न प्रतिवद्ध रहेका छौं, – उनले थपे ।
थपिएको जहाजले नियमित मर्मत सम्भारमा पनि सहयोगी हुने कम्पनीले जनाएको छ । बुद्ध एयरले आन्तरिकतर्फ अहिले दैनिक १४० भन्दा बढि उडान भरिरहेको छ । अन्तरराष्ट्रियतर्फ काठमाडौंबाट भारतको वाराणसी साताको ३ दिन उडान भरिरहेको छ । यसैगरि पोखराबाट चितवन, भैरहवा तथा नेपालगञ्जको उडान पनि भरिरहेको छ
