आर्थिकन्यूज
काठमाडौँ । नेपाल प्रिमियर लिग (एनपिएल)मा आज भएको दोस्रो खेलमा लुम्बिनी लायन्सविरुद्ध पोखरा एभेन्जर्सले कीर्तिमानी जित निकालेको छ । आन्द्रेस गाउसको शतक र दिनेश खरेलको अर्धशतकमा पोखराले १० विकेटले कीर्तिमानी जित हासिल गरेको हो ।
लुम्बिनीले एक सय ७१ रनको लक्ष्य प्रस्तुत गरेको छ । टस जितेर पहिले ब्याटिङ गर्ने निर्णय गरेको लुम्बिनीले निर्धारित २० ओभरमा पाँच विकेट गुमाएर एक सय ७० रन बनाएको हो । लुम्बिनीका लागि कप्तान रोहितकुमार पौडेलले अर्धशतकीय पारी खेले । उनले अविजित रहँदै ५९ बलमा चार छक्का र १० चौका प्रहार गर्दै सर्वाधिक ९५ रन बनाए । टम मूर्सले ४५, सन्दीप जोराले १८ र विवेक यादवले दुई रनको योगदान दिए । लुम्बिनीका आशुतोष घिरैया र उन्मुक्त चन्दले शून्य रनमा आउट भए । यो खेलमा लुम्बिनीले अतिरिक्त १० रन प्राप्त गर्यो ।
पोखराका लागि विपीन खत्रीले दुई र म्याट क्रिचलेले एक विकेट हात पारे । अहिले पोखराले जवाफी ब्याटिङ गरिरहेको छ ।
