आर्थिकन्यूज
काठमाडौँ । नेपाल प्रिमियर लिग (एनपीएल) को उद्घाटन खेलको सबै टिकट सोल्ड आउट भएको छ ।
आगामी मंसिर १५ गते त्रिभुवन विश्वाविद्यालयस्थित क्रिकेट मैदानमा विराटनगर किंग्स र जनकपुर बोल्ट्सबीच उद्घाटन खेल हुँदैछ । खेल दिउँसो साढे १२ बजेदेखि सुरु हुनेछ ।
उक्त खेलका लागि १० हजार टिकट बिक्री भएको नेपाल क्रिकेट एसोसिएसन (क्यान)ले जनाएको छ । क्यानकाअनुसार साधारणतर्फ ९ हजार २०० र भीआईपीतर्फ ८०० वटा टिकट बिक्री भएका छन् ।
एनपीएल उद्घाटन खेलमा साधारणतर्फ ३०० र भीआईपीतर्फ ७०० टिकट मूल्य रहेकोमा अन्य लिग खेलमा क्रमश: ३०० र ५०० तथा फाइनल खेलमा टिकट मूल्य ५०० र १००० तोकिएको छ ।
