आर्थिकन्यूज
काठमाडौं । मध्य मोदी हाइड्रोपावर लिमिटेडले सर्वसाधारणका लागि आईपीओ निष्काशन गर्ने भएको छ । कम्पनीले आईपीओ निष्काशन गर्ने प्रस्ताव पारितका लागि पुस ३ गते १३औँ वार्षिक साधारण सभा बोलाएको छ ।
कम्पनीको सभा कक्ष, सानेपा, ललितपुरमा दिउँसो १ बजे सुरु हुनेछ । आईपीओ निष्काशनबाट प्राप्त पूँजी उपयोग गर्ने प्रस्ताव पनि सभाका लागि तय भएको छ । आईपीओपछि कम्पनीको पूँजी संरचना परिवर्तन हुने भएकाले सोही बमोजिम प्रबन्धपत्र तथा नियमावली संशोधन गर्ने प्रस्ताव सभामा छलफल हुनेछ ।
उल्लेखित सम्पूर्ण कामको जिम्मेवारी सञ्चालक समितिलाई दिने निर्णय पनि सभाले गर्नेछ । साथै गत आर्थिक वर्ष २०८०/८१ को वार्षिक प्रतिवेदन सहितका वित्तीय विवरणहरु पारित गर्नुका साथै चालू आर्थिक वर्षको लागि लेखापरिक्षक नियुक्ति र निजको पारिश्रमिक निर्धारणको विषय पनि सभाका लागि तय भएको छ ।
