आर्थिकन्यूज
काठमाडौं । होण्डा नेपालले हाल चलिरहेको चाडपर्व योजना 'हाम्रो चाडबाड, होण्डाको खुशियाली बारबार' १० लाख रुपैयाँ नगद पुरस्कार जित्ने भाग्यशाली विजेता घोषणा गरेको छ । दशैं, तिहार र छठपर्वको रौनक मनाउन सुरू गरिएको यस योजनाअन्तर्गत चाडपर्वको समयमा होण्डाको बाइक र स्कुटर खरिद गर्ने ग्राहकहरूले प्रत्येक खरिदमा रु.१० लाखसम्मको नगद पुरस्कार जित्ने मौका पाउने घोषणा कम्पनीले गरेको थियो ।
जसमा ६ जना भाग्यशाली ग्राहकहरूले पहिले नै रू. १ लाख रुपैयाँ जितिसकेका छन् भने १० लाख जित्ने विजेता कपिलवस्तु शुद्धोधन–१ का इरफान अहमद मुसलमान बनेका छन् । उनले सिद्धि विनायक अटो इन्टरनेशनल प्रालि भैरहवाबाट सीबी साइन डीएसएस बाइक खरिद गरेका थिए । स्क्र्याच कार्डमार्फत उनले उक्त नगद जितेका हुन् ।
होण्डाले विजेता घोषणा गर्दै चलिरहेको योजनासँग खुशी मनाउन पाउँदा हामी गर्व महसुस गरेको बताएको छ । 'हामी अहमदज्यूले ठूलो पुरस्कार जितेको देखेर र उहाँसङ्ग खुशियालीमा सहभागी हुन पाउँदा निकै उत्साहित छौं । यो पर्व खुशी र एकताको प्रतीक हो, र हामी यस योजनामार्फत यसको हिस्सा बन्न पाउँदा गर्व गर्दछौँ,' कम्पनीले विज्ञप्तिमार्फत् बताएको छ ।
