आर्थिकन्यूज
काठमाडौं । नेपाल टेलिकमले कर्पोरेट ग्राहकहरुका लागि मल्टिपल टीभी च्यानल जडान गर्ने व्यवस्था गरेको छ । टेलिकमका अनुसार ४ वटा वा सो भन्दा बढी टीभी जडान गर्ने कर्पोरेट ग्राहकहरुले सहुलियत दरमा बेसिक तथा प्रिमियम प्याकेजहरु खरिद गर्न सकिने व्यवस्था रहेको छ ।
४ देखि १० वटा टीभी जडान गर्ने ग्राहकहरुले प्रति सेट टप बक्स २ हजार ९ सय अठ्तीस रुपैयाँमा १ वर्ष वारेन्टी सहित खरिद गर्न सकिने टेलिकमले जनाएको छ । भने ११ वटा भन्दा बढी टीभी जडान गर्ने ग्राहकहरुले प्रति सेट टप बक्स २ हजार ८ सय पच्चीस रुपैयाँमा १ वर्ष वारेन्टी सहित खरिद गर्न सकिने छ ।
