आर्थिकन्यूज
एजेन्सी । भारतको बंगालको खाडीबाट आएको चक्रवाती आँधी ‘डाना’ राति ओडिशाको तटीय क्षेत्रमा पुगेको छ । यसको गति १२० किमी प्रति घण्टा थियो। ओडिशाका १४ जिल्लाका १० लाख मानिसलाई अन्यत्र सारिएको छ। जबकि पश्चिम बंगालमा ३.५ लाख मानिसलाई सुरक्षित स्थानमा पठाइएको छ । आँधीका कारण बंगाल र ओडिशामा ३००उडान र ५५२ ट्रेनहरू रद्द गरिएका छन्।
कोलकाताको नेताजी सुभाष चन्द्र बोस एयरपोर्ट बिहीबार साँझ ६ बजेदेखि शुक्रबार बिहान ९ बजेसम्म बन्द गरिएको छ । यसैबीच, दानाको खतरालाई ध्यानमा राख्दै पश्चिम बंगाल सरकारले हालसम्म प्रभावित क्षेत्रबाट १,५९,८३७ जनालाई विस्थापित गरेको छ । जसमध्ये ८३ हजार ५३७ जनालाई राहत शिविरमा सारिएको छ ।
दानाको प्रभावका कारण ओडिशाको तटीय क्षेत्रमा पानी परिरहेको छ । भद्रक, केन्द्रपारालगायतका केही स्थानमा ३० सेन्टिमिटरभन्दा बढी अर्थात १२ इन्च (एक फिट) वर्षा हुनसक्ने अनुमान गरिएको छ । तटीय क्षेत्रमा २० सेन्टिमिटरसम्म वर्षाको सम्भावना छ । १० लाख मानिसलाई ओडिशाका १४ जिल्लामा सारिएको छ।भुवनेश्वर र कोलकाता विमानस्थलमा बिहीबार साँझ ५ बजेदेखि अक्टोबर २५ गते बिहान ९ बजेसम्म १६ घण्टाका लागि करिब ३०० उडान रद्द हुनेछन्। पुरीको जगन्नाथ मन्दिर परिसरबाट सबै अस्थायी पाल हटाइएका छन्। स्यान्डब्यागहरू एस्बेस्टोस छतहरूमा राखिएको छ। कोणार्क मन्दिर दुई दिनका लागि बन्द गरिएको छ ।
