आर्थिकन्यूज
काठमाडौं । वीरगञ्जबाट कास्कीतर्फ लैजाँदै गरेको १ करोड १४ लाख ५१ हजार बराबरको लत्ताकपडा तथा औषधी जिल्ला प्रहरी कार्यालय पर्साले नियन्त्रणमा लिएको छ ।
विशेष सूचनाका आधारमा मंगलबार राति १०:१५ बजेका समयमा वीरगञ्ज महानगरपालिका वडा नं।०८ स्थित घण्टाघर चोकमा ना ३ ख ५१८७ नम्बरको मालबाहक ट्रक नियन्त्रणमा लिएको हो । ट्रकका साथमा रहेको बिलबिजक भन्दा बढीका लत्ताकपडा तथा औषधीहरु लोड गरी वीरगञ्जबाट कास्कीतर्फ लैजाँदै गरेको अवस्थामा कार्यालयबाट खटिएको टोलीले नियन्त्रणमा लिएको हो ।
बरामद लत्ताकपडा तथा औषधीहरु थप अनुसन्धान तथा कारवाहीको लागि राजस्व अनुसन्धान कार्यालय पथलैया बारामा बुझाइएको कार्यालयका सूचना अधिकारी दीपक भारतीले जानकारी दिए ।
