आर्थिकन्यूज
एजेन्सी । अमेरिकाका पूर्व राष्ट्रपति डोनाल्ड ट्रम्पमाथि फेरि आक्रमण भएको छ । अमेरिकन टेलिभिजन सीएनएनका अनुसार फ्लोरिडाको पाम बीच काउन्टीमा रहेको ट्रम्पको इन्टरनेशनल गल्फ क्लब नजिकै गोली हानाहान भएको हो । गुप्तचर सेवाले ट्रम्प सुरक्षित रहेको जानकारी दिएको छ ।
घटनाको अनुसन्धानको जिम्मा एफबीआईलाई दिइएको छ । एफबीआईले घटनालाई ‘हत्याको प्रयास’ भनेर बताएको छ। रिपोर्टका अनुसार ट्रम्प ५ औं होल नजिकै गल्फ खेलिरहेका थिए जब गोली चल्यो । संदिग्ध आक्रमणकारी गोल्फ कोर्सको बारमा राइफल लिएर आक्रमण गरेको बताइएको छ ।
बन्दुकधारी ट्रम्पबाट करिब ३००(५०० गज टाढा थिए। त्यसपछि एजेन्टले उनलाई गोली हान्यो । त्यसपछि उनी आफ्नो बन्दुक पछाडि छोडेर कालो एसयूभीमा भागे। सेक्रेट सर्भिसले उनको कारको नम्बर प्लेटको फोटो खिचेको थियो। त्यसपछि उनलाई राजमार्गमा घेरा हालेर पक्राउ गरिएको थियो । घटना आइतबार अमेरिकामा दिउँसो २ बजेको थियो ।
