आर्थिकन्यूज
काठमाडौं । नेपाल एसबीआई बैंकले प्रमुख कार्यकारी अधिकृत (सीईओ) मा पुनः दीपक कुमार दे नियुक्ति गरेको छ । गत बुधबार बसेको बैंकको ५१८औँ सञ्चालक समितिको बैठकले सीईओमा देलाई दोहोर्याउने निर्णय गरेको हो ।
देको आगामी भदौ ३१ गतेदेखि ४ वर्षे कार्यकाल सकिँदैछ । कार्यकाल सकिँदै गर्दा सञ्चालक समितिको बैठकले थप ६ महिनाका लागि नियुक्त गर्ने निर्णय गरेको हो ।
कम्पनीका सचिव श्रीधर अधिकारीका अनुसार देको नयाँ कार्यकाल १६ मार्च २०२५ सम्म रहनेछ ।
