आर्थिकन्यूज
काठमाडौं । एशियन लाइफ इन्स्योरेन्सको नाफा ३७ प्रतिशतले बढेको छ । आर्थिक वर्ष २०७९/८० मा कम्पनीले ४ करोड रुपैयाँ खुद नाफा आर्जन गरेकोमा गत आर्थिक वर्ष २०८०/८१ को चौथो त्रैमासमा ३२ करोड ८५ लाख रुपैयाँ खुद नाफा आर्जन गरेको हो । जुन अघिल्लो आवभन्दा ३६.९१ प्रतिशतले बढी हो ।
समीक्षा अवधिमा कम्पनीको खुद बीमाशुल्क ९.४८ प्रतिशत बढेर ७ अर्ब ८४ करोड ९६ लाख रुपैयाँ पुगेको छ । आव २०७९/८० मा कम्पनीको खुद बीमाशुल्क ६ अर्ब ८४ करोड रुपैयाँ रहेको थियो ।
यस्तै गत वर्षसम्म कम्पनीको कुल आम्दानी १५.६४ प्रतिशत वृद्धि भई १२ अर्ब २८ करोड ६३ लाख रुपैयाँ पुगेको छ ।
समीक्षा अवधिमा कम्पनीको खुद दाबी भुक्तानी १७.७४ प्रतिशत बढेर ९ अर्ब ६४ करोड २८ लाख रुपैयाँ र कुल खर्च १४.४३ प्रतिशत बढेर ११ अर्ब २५ करोड रुपैयाँ गरेको छ ।
३ अर्ब ३९ करोड ९८ लाख रुपैयाँ चुक्ता पुँजी रहेको कम्पनीको महाविपत्ति कोषमा २२ करोड ७२, रिटेन्ड अर्निङमा ३४ करोड ९ लाख र अन्य इक्विटीमा ४ करोड ६३ लाख रुपैयाँ सञ्चिति रहेको छ ।
गत आवमा कम्पनीको प्रतिशेयर आम्दानी ७.६१ रुपैयाँबाट बढेर ९.६६ रुपैयाँ पुगेको छ भने प्रतिशेयर नेटवर्थ ११.०७ पुगेको छ ।
