धनगढी । सुदूरपश्चिम प्रदेशमा करिब एक महिनादेखिको बजेट शून्यता अन्त्य भएको छ । नयाँ सरकार गठन भएलगत्तै प्रदेशको मन्त्रिपरिषद बैठकले ‘सुदूरपश्चिम सामयिक कर संकलन सम्बन्धी अध्यादेश २०८१’ पारित गरेको छ ।
बिहीबार बिहान बसेको मन्त्रिपरिषद्को बैठकले उक्त अध्यादेश पास गरेको मुख्यमन्त्री कमलबहादुर शाहले जानकारी दिए । मन्त्रिपरिषदले अध्यादेश पास गरेपछि प्रमाणीकरणका लागि प्रदेश प्रमुखको कार्यालय पठाइएको छ । प्रदेश प्रमुख नजीर मियाले आजै उक्त अध्यादेश प्रमाणीकरण गरेर राजपत्रमा प्रकाशित गर्ने तयारी गरेका छन् ।
प्रदेश प्रमुखबाट प्रमाणीकरण भएसँगै उक्त अध्यादेश ऐनसरहको कानुन बन्नेछ भने कर संकलनको कार्य सुचारु हुनेछ ।