आर्थिकन्यूज
एजेन्सी । अनिल अम्बानीको स्वामित्वमा रहेको कम्पनीको शेयरले विगत पाँच दिनदेखि भारतीय शेयर बजारमा ठूलो चर्चा बटुलिरहेको छ । यस अवधिमा यो इन्फ्रा स्टक १३ प्रतिशतले बढेको छ । जुन उच्च स्तरबाट ९९ प्रतिशतले घटेको थियो तर अहिले त्यसको मूल्य बढ्दै गएको र अन्तिम कारोबार दिन मंगलबार पुन २०० रुपैयाँ भारुभन्दा माथि पुगेको छ ।
मंगलबारको अन्तिम कारोबार दिनमा अनिल अम्बानीको कम्पनीको शेयर बजार खुल्नेबित्तिकै २०० रुपैयाँ नाघेको थियो भने दिनको कारोबारमा झन्डै ३ प्रतिशतले उकालो लागेर २०५.६० रुपैयाँमा पुगेको थियो बजार बन्द भयो । त्यसको गति सुस्त भयो र अन्ततः रु २००.७५ भारुको स्तरमा बन्द भयो ।
एसियाका सबैभन्दा धनी व्यक्ति मुकेश अम्बानीका कान्छो भाइ अनिल अम्बानीको यो कम्पनीको शेयर ९९ प्रतिशतले घटेर फर्किएको छ । यसको रेकर्ड हेर्दा जनवरी ४, २००८ मा रिलायन्स इन्फ्राको सेयर मूल्य २५१४.३५ रुपैयाँमा थियो । तर १० जनवरी २०२० मा करिब ९९ प्रतिशतले झरेर २४.९० रुपैयाँमा पुग्यो । यसपछि पहिले बिस्तारै र त्यसपछि तीव्र गतिमा पुनरागमन गर्दै हाल २०० नाघेको छ ।
रिलायन्स इन्फ्रास्ट्रक्चरको शेयरमा ठूलो उतारचढाव देखिए पनि यो सेयर पाँच वर्षमा लगानीकर्ताका लागि फाइदा वाला स्क्रिप्ट भएको चर्चा गरिरहेका छन । अनिल अम्बानीको यो कम्पनीको शेयरमा पैसा लगानी गर्ने लगानीकर्ताले ५ वर्षमा ३०६.४९ प्रतिशत प्रतिफल पाएका छन् । २ अगस्त २०१९ मा शेयर मूल्य ५० रुपैयाँ भारु थियो।
