आर्थिकन्यूज
एजेन्सी । आर्थिक वर्ष २०२४-२५ को पहिलो त्रैमासिकमा मारुती सुजुकीको नाफा वार्षिक रूपमा ४७ प्रतिशत बढेर ३,६५० करोड रुपैयाँ भारु पुगेको छ। अघिल्लो वर्षको सोही अवधिमा कम्पनीको स्ट्यान्डअलोन नाफा २ हजार ४ सय ८५ करोड रुपैयाँ भारु थियो । मारुती सुजुकीले जुलाई ३१ मा पहिलो त्रैमासिकको नतिजा सार्वजनिक गरेको छ । कम्पनीको सञ्चालनबाट हुने स्ट्यान्डअलोन राजस्व वार्षिक आधारमा १० प्रतिशतले बढेको छ ।
पहिलो त्रैमासिक अवधिमा मारुती सुजुकीले कुल ५,२१,८६८ गाडी बिक्री गरेको छ । जुन अघिल्लो वर्षको सोही त्रैमासिकको तुलनामा ४.८ प्रतिशत बढी हो। अप्रिल-जुन त्रैमासिकमा कम्पनीले घरेलु बजारमा ४,५१,३०८ सवारीसाधन बिक्री गरेको छ, जुन आर्थिक वर्ष २०२४ को पहिलो त्रैमासिकको तुलनामा ३.८प्रतिशत बढी हो। कम्पनीको निकासी ७०,५६० युनिट थियो ।
