काठमाडौं ।चिकित्सा विज्ञान राष्ट्रिय प्रष्ठिान वीर अस्पतालका निर्देशक डा पौडेल कर्मचारी भएर नियम विपरित औषधि पसल सञ्चालन गरेको विषय स्वास्थ्य तथा जनसंख्या मन्त्रालयमा पुगेको छ । डा पौडेल अल्का हस्पिटल फार्मेसीको शेयर सदस्य र सञ्चालक तथा अध्यक्ष समेत रहेको भन्दै राष्ट्रिय सतर्कता केन्द्रमा उजुरी परेपछि डा. पौडेलको विवरण माग्दै(दर्ता नं १२/२८७१) स्वास्थ्य तथा जनसंख्या मन्त्रालय निवेदन दर्ता भएको छ ।
डा. पौडेलले ललितपुरको पुलचोकमा रहेको अल्का अस्पतालमा फार्मेसी सञ्चालन गर्दै आएको प्रमाणसहित आर्थिकन्यूजले गत हप्ता मात्र समाचार प्रकाशन गरेको थियो । उनले सञ्चालन गरेको फारर्मेसीको प्रालि दर्ता न २४८७८२/०७७/०७८ कम्पनी रजिस्ट्रार कार्यालय २०७९/९/१ गते रहेको छ । उक्त फार्मेसीका सञ्चालक र अध्यक्षको रुपमा बुझाएको प्रमाणित कागजपत्रमा कास्की जिल्ला अन्नपूर्ण गाउँपालिका वडा न ३ का पुण्यप्रसाद पौडेलका छोरा सन्तोष पौडेल उल्लेख छ ।
उक्त फार्मेसीमा नागरिकता प्रमाणपत्र नम्बर १०६६२८ जिप्रका कास्की प्रयोग गरि अल्का हस्पिटल फार्मेसीमा शेयर संख्या कित्ता न ३७००१ देखि ७४००० सम्म जम्मा ३७००० कित्ता शेयर रहेको उनको नाममा रहेको छ ।