आर्थिकन्यूज
एजेन्सी । अमेरिकी सर्वोच्च अदालतले सोमबार डोनाल्ड ट्रम्पलाई ठूलो राहत दिँदै ऐतिहासिक फैसलामा आफू राष्ट्रपति हुँदा गरेका धेरै निर्णय वा कारबाहीलाई खारेज गर्न नसकिने बताएको छ । डोनाल्ड ट्रम्प राष्ट्रपति हुँदा २०२० चुनावको नतिजा उल्ट्याउन षड्यन्त्र गरेको आरोप लगाइएको थियोे । जब उनका समर्थकहरूले अमेरिकी संसद क्यापिटल हिलमा आक्रमण गरे। यस सम्बन्धमा उनीविरुद्ध मुद्दा दर्ता भएको थियो ।
डोनाल्ड ट्रम्पले वाशिंगटनको तल्लो अदालतमा अपील गरेका थिए कि उनी विरुद्ध आपराधिक मुद्दाहरू दायर गर्न नपरोस् किनभने पूर्व राष्ट्रपति भएकाले उनको संवैधानिक अपील तल्लो अदालतले खारेज गरेको थियो। सर्वोच्च अदालतले तल्लो अदालतको फैसला उल्टाएको छ । तर, सर्वोच्चको यो निर्णय सर्वसम्मत नभएर ६–३ मतले विभाजित भएको थियो । संवैधानिक इजलासमा परेका ९ न्यायाधीशमध्ये ६ जनाले निर्णयको पक्षमा र ३ जना विपक्षमा थिए । निर्णय प्रधान न्यायाधीश जोन रोबर्ट्स द्वारा लेखिएको थियो।
डोनाल्ड ट्रम्पले अदालतको फैसलालाई संविधान र लोकतन्त्रको ठूलो जीत भएको बताएका छन् । न्युयोर्क टाइम्सले सर्वोच्च अदालतको यो निर्णयलाई जो बाइडेन र उनको डेमोक्रेटिक पार्टीका लागि ठूलो झट्काको रूपमा वर्णन गरेको छ। यस वर्षको अन्त्यमा हुन लागेको अमेरिकी चुनावमा रिपब्लिकन पार्टीबाट डोनाल्ड ट्रम्प राष्ट्रपति पदका सम्भावित उम्मेदवार हुन् । उनले राष्ट्रपति जो बाइडेनलाई चुनौती दिएका छन्। सर्वोच्च अदालतले क्यापिटल हिल मुद्दालाई ट्रायल कोर्टमा फिर्ता पठाएको छ, अब यो मुद्दाको सुनुवाइ राष्ट्रपति चुनावपछि मात्र हुने बताइएको छ ।
