काठमाडौं । साताको पहिलो कारोबार दिन घटेर त्यसपछिका दुई दिन सामान्य अंकले बढेको नेप्से परिसूचक बुधबार दोहोरो अंकले घटेको छ ।
आज ११.६० अंकले घटेर नेप्से परिसूचक दुई हजार ६०.१६ अंकमा समेटिएको छ । अघिल्लो साता चार कारोबार दिनमा एक दिन मात्रै तेस्रो कारोबार २.२७ अंकले बढेको नेप्से परिसूचक यो साताको सुरुमै पनि घटेको थियो । सोमबार ३.२१ अंक र ५.६० अंक बढेको नेप्से आज पुन: घटेको हो ।
आज कारोबार रकम पनि घटेको छ । बुधबार ४ अर्ब ५ करोड ८० लाख रुपैयाँको ८७ लाख २७ हजार १६४ कित्ता शेयर खरिद बिक्री भएको छ ।
हिजो ४ अर्ब १८ करोड रुपैयाँको शेयर खरिदबिक्री भएको थियो ।
आज १३ उपसमूहमध्ये तीन समूहको सूचक बढेको छ भने बाँकी सबै समूहको सूचक घटेको हो । सबैभन्दा बढी विकास बैंक समूहको सूचक १.०३ प्रतिशत घटेको छ । आज सबैभन्दा बढी साधना लघुवित्त वित्तीय संस्थाका शेयरधनीले दशमलव ३८ प्रतिशत गुमाएका छन् ।
त्यस्तै हिमालय उर्जा विकास कम्पनीका लगानीकर्ताले पनि नोक्सानी व्यहोरेका छन् ।