काठमाडौं । नबिल म्युचुअल फण्डले सञ्चालित विभिन्न योजनाहरुका रकम फिर्ता भुक्तानी र पुरानो प्रतिफल लिन बाँकी रहेका इकाईधनीहरुलाई लिन अनुरोध गरेको छ । नबिल म्युुचुअल फण्ड अन्तर्गत सञ्चालित नबिल ब्यालेन्स्ड फण्ड १ २०७४ चैत २९ मा र नबिल इक्वीटी फण्ड २०८० कात्तिक १८ मा परिपक्व भएका थिए ।
परिपक्व भएपछि सामूहिक लगानी कोषको ब्यवस्थाअनुसार अन्तिम कायम प्रति इकाई खरद सम्पत्ति मूल्यका आधारमा कर कट्टा गरी आएको फिर्ता रकमलाई अभौतिक रुपमा धारण गरेका इकाईधनीहरुलाई बैंकमा र भौतिक शेयर प्रमाणपत्र भएकालाई चेक मार्फत वितरण गरेको योजनाले जानकारी दिएको छ । हालसम्ममा पनि यी दुई योजनाहरु परिपक्व भएको समयसम्म कायम रहेका इकाईधनीहरुले रकम भुक्तानी फिर्ता नभएको भए कार्यालयमा सम्पर्क राखी रकम प्राप्त गर्नेछन् ।
साथै खारेज भएका नबिल ब्यालेन्स्ड फण्ड १, नबिल इक्वीटी फण्ड र सञ्चालनमा रहेको नबिल ब्यालेन्स्ड फण्ड २ ले विभिन्न आर्थिक वर्षहरुमा वितरण गरेको नगद लाभांश रकम लिन बाँकी इकाईधनीले आफ्नो हितग्राही खातामा बैंक खाता अद्यावधिक गराएपछि मात्रै प्राप्त हुने फण्डले जानकारी दिएको छ ।
साथै भौतिक शेयर प्रमाणपत्र भएका इकाईधनीहरुले आफ्नो सक्कल भौतिक शेयर प्रमाणपत्र र परिचयपत्र सहित योजनाको कार्यालयमा सम्पर्क राखी निवेदन दिन सक्नेछन् । कोष प्रबद्र्धक नबिल बैंक रहेको छ भने योजना ब्यवस्थापक एवं डिपोजिटरी नबिल इन्भेष्टमेन्ट बैंकिङ्ग लिमिटेड रहेको छ ।