आर्थिकन्यूज
काठमाडौं । इमर्जिङ नेपाल लिमिटेडले आठौँ वार्षिक साधारणसभा आयोजना गरेको छ । कम्पनी सञ्चालक समितिको बैठकले वार्षिक साधारणसभा मङसिर ५ गते आयोजना गर्ने निर्णय गरेको हो । सभा काठमाण्डौको नयाँबानेश्व रस्थित बानेश्वर ब्यांक्वेटमा बिहान ११ बजेबाट सुरु हुनेछ ।
सभाले आर्थिक वर्ष २०७९–८०का लागि प्रस्तावित चुक्तापुँजी ५५ करोड ५६ लाख रुपैयाँको ८ दशमलव ४२१०५ प्रतिशतले हुन आउने ४ करोड ६७ लाख ८७ हजार ३६८.४२ रुपैयाँबराबरको नगद लाभांश (करसहित) वितरण गर्ने प्रस्ताव अनुमोदन गर्नेछ ।
त्यस्तै, सभाले स्वतन्त्र सञ्चालकमा शर्मिला श्रेष्ठलाई बाँकी कार्यकालका लागि नियुक्त गर्ने अर्को प्रस्ताव पनि पारित गर्नेछ । सभाले गत आर्थिक वर्षको वार्षिक प्रतिवेदन उपर छलफल गरी पारित गर्नुका साथै चालू आवको लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।
साधारण सभा प्रयोजनको लागि कम्पनीले मङसिर ६ गतेदेखि १५ गतेसम्म बुक क्लोज गर्ने निर्णय गरेको छ । यस बुक क्लोजको आधारमा मङसिर ५ गतेसम्म कायम शेयरधनीहरुमात्रै यो कम्पनीको लाभांश पाउन र सभामा भाग लिन योग्य हुनेछन ।
