आर्थिकन्यूज
काठमाडौं । बिपिडब्लु लघुवित्त वित्तीय संस्था लिमिटेडले असोज ३० गते सामुदायिक लघुवित्त वित्तीय संस्था लिमिटेडले असोज ३० गते विशेष साधारण सभा बोलाएको छ । असोज १४ गते बसेको सञ्चालक समितिको बैठकले होटल ले बगैचाको सभाहल, जावलाखेल, ललितपुरमा विहान ११ः३० बजे सभा गर्ने निर्णय गरेको हो ।
सभाले सामुदायिक लघुवित्त वित्तीय संस्थासँगको मर्जर प्रस्ताव पारित गर्दै मर्जरका लागि आवश्यक सम्पूर्ण कामको जिम्मेवारी सञ्चालक समितिलाई दिने निर्णय गर्नेछ ।
सभाले मर्जरका लागि तय भएको शेयर स्वाप रेसियोलाई समेतच स्वीकृति प्रदान गर्नेछ । मर्जरका लागि १ बराबर शन्य दशमलव ८५३५ को शेयर स्वाप रेसियो वारे सहमति भएको छ । विशेष साधारण सभामार्फत शेयर स्वाप रेसियोलाई समेत स्वीकृति प्रदान गरिनेछ । विशेष साधारण सभा प्रयोजनका लागि कम्पनीले असोज २४ गते एक दिन बुक क्लोज गर्ने भएको छ ।
बुक क्लोजको आधारमा असोज २३ गतेसम्म कायम शेयरधनीहरू मात्र सभामा भाग लिन सक्नेछन् । सामुदायिक लघुवित्तले पनि मर्जर प्रस्ताव पारितका लागि असोज ३० गतेनै विशेष साधारण सभा बोलाएको छ ।
