आर्थिकन्यूज
काठमाडौं । समता घरेलु लघुवित्त वित्तीय संस्था लिमिटेडले मनकामना स्मार्ट लघुवित्त वित्तीय संस्थालाई प्राप्ती गर्ने भएको छ । समताले मनकामना लघुवित्तलाई प्राप्ती गर्ने सम्बन्धमा भदौ ७ गते बिहीवार बिहान १०ः१५ बजे सम्झौतापत्रमा हस्ताक्षर गरेका हुन् ।
समतासँग प्राप्ती सम्बन्धी सझौता भएसँगै मनकामना लघुवित्तका आधारभुत शेयरधनीको शेयर कारोबार बजारमा रोक्का हुने भएको छ ।
बैंक तथा वित्तीय संस्था सम्बन्धी ऐन बमोजिम बैंक तथा वित्तीय संस्था एक आपसमा गाभ्ने र गाभिने तथा प्राप्ति सम्बन्धी विनियमावली एवमं धितोपत्र सम्बन्धी तथा अन्य प्रचलित कानुन र नेपाल राष्ट्र बैंकको नीति निर्देशन अनुसार प्राप्ती सम्बन्धी प्रकृया अघि बढेको हो ।
