आर्थिकन्यूज
एजेन्सी । टेस्ला, स्पेसएक्स र ट्वीटर जस्ता कम्पनीका मालिक एलोन मस्कको सम्पत्ति बढिरहेको छ । विगतमा उनले धनको दौडमा फ्रान्सेली अर्बपतिलाई पछि पार्दै विश्वकै धनी व्यक्तिको ताज पाएका छन् । अब उनले अर्को लामो फड्को मारेका छन् । पछिल्लो अपडेट अनुसार एलोन मस्कको कुल सम्पत्ति एकपटक फेरि २०० बिलियन डलर नाघेको छ । एकै समयमा, सम्पत्तिमा गिरावटको कारण, अर्नाल्टको सम्पत्ति घट्दै गएको छ । यद्यपि उनी अझै पनि शीर्ष १० अर्बपतिहरूको सूचीमा दोस्रो स्थानमा छन्।
ब्लुमबर्ग बिलियनेर्स इन्डेक्सका अनुसार विश्वका सबैभन्दा धनी एलोन मस्कको कुल सम्पत्ति पछिल्लो २४ घण्टामा २ अर्ब ६० करोड डलरले बढेको छ र यो वृद्धिसँगै उनको कुल सम्पत्ति २०२ अर्ब डलर पुगेको छ । उनको सम्पत्ति केही समयदेखि निरन्तर उकालो लागेको थियो । जसका कारण उनले फेरि नम्बर १ धनीको ताज लिएका छन् । एलोन मस्कको विद्युतीय कार कम्पनी टेस्लाको शेयरमा निरन्तर उछाल आएपछि उनको सम्पत्तिमा वृद्धि देखिएको छ । टेस्ला इंक स्टक सोमबार प्रति शेयर २२०.५२ डलरमा बन्द भएको छ । ३.०६ प्रतिशत बढेरको छ। पछिल्लो एक महिनामा टेस्लाको स्टकको मूल्य २८.३७ प्रतिशतले बढेको छ भने पछिल्लो पाँच दिनमा यसको मूल्य १०.२६ प्रतिशतले बढेको छ ।
बर्नार्ड अर्नाल्ट अझै पनि इलोन मस्क पछि दोस्रो नम्बरमा छन् । यद्यपि उनले केही समयदेखि दैनिक रूपमा ठूलो घाटाको सामना गरिरहेका छन्। यो समाचार लेख्दासम्म उनको कुल सम्पत्तिमा २ अर्ब ९० करोड डलरले गिरावट आएको र यो घाटाका कारण १८८ अर्ब डलरमा झरेको छ ।
ब्लुमबर्गको शीर्ष १० धनीको सूचीमा परेका अन्य अर्बपतिहरूलाई हेर्दा जेफ बेजोस १४९ अर्ब डलरसहित तेस्रो, बिल गेट्स १२९ अर्ब डलरसहित चौथो, ल्यारी एलिसन १२० अर्ब डलरसहित पाँचौं र स्टिभ बाल्मर डलरसहित छैटौं धनी व्यक्ति हुन् । योसँगै वारेन बफेटले घाटा बेहोर्नुपरेका छन र ११५ अर्ब डलरको कुल सम्पत्तिसहित सातौं नम्बरमा पुगेका छन् । ल्यारी पेज ११४ अर्ब डलरसहित आठौं, सेर्गेई ब्रिन १०८ अर्ब डलरसहित नवौं र मार्क जुकरबर्ग ९८.९ अर्ब डलरसहित दशौं नम्बरमा छन् ।
रिलायन्स इन्डस्ट्रिजका अध्यक्ष तथा एसियाकै धनी व्यक्ति मुकेश अम्बानीको सम्पत्ति ३७५ मिलियन डलरले बढेर ८५ अर्ब डलर पुगेको छ । यो संख्यासँगै उनी विश्वको १३ औं धनी व्यक्ति बनेका छन् । अर्कोतर्फ यो वर्ष सबैभन्दा बढी मारमा परेका अदानी समूहका अध्यक्ष गौतम अडानीको नेटवर्थ १३ करोड ६ लाख डलरले बढेको छ । योसँगै गौतम अडानी ६१.७ अर्ब डलरको सम्पत्तिसहित विश्वका धनी व्यक्तिको सूचीमा १९औँ स्थानमा छन् ।
