आर्थिकन्यूज
काठमाडौं । अख्तियार दुरुपयोग अनुसन्धान आयोगले भ्रष्टाचारको आरोपमा नायव सुब्वा दिपकराज देवकोटा विरुद्द मुद्दा दायर गरेको छ । आयोगका अनुसार देवकोटाले पोल्ट्री वंगुर फार्मको नाममा भुक्तानी लिई चेक लुकाएर फार्मसँग घुसर रिसवत मागेका थिए ।
कालिकोटको, खाँडाचक्र नगरपालिकाले पोल्ट्री वंगुर फार्मसँग ४२० कुखुरा उपलब्ध गराउने गरी सम्झौता भएको थियो । देवकोटाले खाँडाचक्र नगरपालिकाद्धारा वडा नं। ३ र ४ मा लघु उद्यम विकास अन्तर्गत कुखुरा पालन सीप विकास तालिमको झुट्टा विल भरपाई तथा कागजात तयारी गरी कार्यालयमा पेश गरी भुक्तानी लिई १ लाख ९७ हजार ८९५ रुपैयाँ हिनामिना गरेका थिए ।
देवकोटा विरुद्ध भ्रष्टाचार एक लाख ९७ हजार ८९५ रुपैयाँ विगो मागदाबी गर्दै विशेष अदालत काठमाडौंमा आरोप पत्र दायर गएिको आयोगद्धारा जारी विज्ञप्तिमा उल्लेख छ ।
