गुल्मी । चन्द्रकोट गाउँपालिकाले मंसिर ६ गते बालाचर्तुदशीमा सार्वजनिक बिदा दिने निर्णय गरेको छ ।

मंसिर ६ गते चक्रेश्वरमा मेला लाग्ने भएकाले गाउँपालिकाले सार्वजनिक बिदा दिने निर्णय गरेको हो । 

गाउँपालिकाका प्रमुख प्रशासकीय अधिकृत विष्णुप्रसाद भुसालका अनुसार गाउँपालिकावासीहरु मेलामा उत्साहका साथ सहभागी हुने भएकोले सार्वजनिक बिदा दिने निर्णय भएको छ । 

गाउँपालिकाले जारी गरेको सूचनामा सो दिन गाउँपालिका मातहतका सम्पूर्ण कार्यालय बन्द रहने उल्लेख छ ।