आर्थिकन्यूज
एजेन्सी। भारतको उपभोक्ता अदालतले लक्जरी होटेल चेन आइटीसीलाई एक महिलालाई २ करोड रुपैयाँ क्षतिपूर्ति दिन आदेश दिएको छ। सो होटलले उनको कपाल काट्दा बिगारेपछि त्यत्रो ठुलो रकम जरिवानाको रूपमा तिर्नुपर्ने भएको हो।
भारतीय समाचार संस्थाहरूले जनाए अनुसार अदालतले भन्यो कि आईटीसी मौर्य होटलले आशना राय नामकी महिलाको लामो कपाल काट्यो। अनि सो कपालको गलत उपचार गर्यो। जसको कारण महिलालाई ठुलो नोक्सान भयो। उनको जीवनशैली परिवर्तन भयो र एक शीर्ष मोडेल बन्ने उनको सपना चकनाचुर भयो।
यो घटना सन् २०१८ को अप्रिलमा भएको थियो, जसमा अदालतले दुई वर्ष भन्दा ढिलोगरि २१ सेप्टेम्बरमा आफ्नो फैसला सुनाएको हो। उपभोक्ता अदालत बेन्चका अध्यक्ष आरके अग्रवाल र सदस्य एसएम कान्तिकरले ती महिलालाई न्याय दिइन्। उनले भनिन् कि महिलाहरू आफ्नो कपालको बारेमा धेरै चिन्तित हुन्छन्। त्यसको हेरचाह गर्न ठुलो रकम खर्च गर्छन् र एक भावनात्मक तरीकाले जोडिएका हुन्छन् ।
अदालतले भन्यो कि आशना राय लामो कपालको कारण कपालसँग सम्बन्धित उत्पादनहरूको लागी मोडेलिंग गर्थिन्। उनले धेरै ठुला ब्रान्डहरूका लागि मोडलिङ गरेकी थिइन्। तर होटलले उनको निर्देशनको विपरीत उनको कपाल काटिदियो। जसको कारण उनी धेरै ठुलो जिम्मेवारी पुरा गर्नबाट चुकिन् । उनले मानसिक आघात भोगिन् र आफ्नो जागिर गुमाइन्।
होटेलमा महिलाको कपाल काट्ने काममा मात्र नभई कपाल उपचारमा पनि लापरबाहीको आरोप लगाइएको छ। अदालतले भन्यो कि महिलाको टाउको जलेको छ, जसमा महिलालाई अझै एलर्जी छ र चिलाउँछ। ती महिलाले सार्वजनिक गरेको ह्वाट्सएप च्याटबाट यो स्पष्ट भयो कि होटलले आफ्नो गल्ती स्वीकारेको छ र नि: शुल्क उपचार गरेर आफ्नो गल्ती लुकाउन खोजेको छ। अदालतले होटेललाई यो क्षतिपूर्ति तिर्न आठ हप्ताको समय दिएको छ।
