आर्थिकन्यूज
काठमाडौं स् नागरिक लगानी कोषले सानिगाड हाइड्रो र कालंगा हाइड्रो लिमिटेडको शेयर प्रत्याभूति गर्ने भएको छ । कोषले सानिगाड हाइड्रो लिमिटेडको प्रतिकित्ता १०० रुपैयाँ अंकित मूल्यका ८५ लाख ५० हजार कित्ताको ८५ करोड ५० लाख रुपैयाँ बराबरको सेयर प्रत्याभूति गर्ने सम्झौता गरेको हो ।
सम्झौतामा कोषको तर्फबाट कार्यकारी निर्देशक पर्वतकुमार कार्कीले र सानिगाडको प्रबन्ध निर्देशक राजेशकुमार श्रेष्ठले हस्ताक्षर गरेका छन् ।
यस्तै, कोषले कालंगा हाइड्रो लिमिटेडसँग पनि शेयर प्रत्याभूति सम्झौता गरेको हो । कालंगाको प्रतिकित्ता १०० रुपैयाँ अंकित दरको ४९ लाख कित्ता शेयरको प्रत्याभूति गर्ने सम्बन्धी सम्झौतामा कोषका कार्यकारी निर्देशक कार्की र कालंगाका अध्यक्ष खगेश्वर बोहराले हस्ताक्षर गरेका हुन् ।
यसैबीच नागरिक लगानी कोष र पूर्वाञ्चल विश्वविद्यालय गोठगाउँ मोरङबीच योगदानमा आधारित उपदान तथा पेन्सन कोष सञ्चालन गर्ने सम्बन्धी सम्झौता भएको छ । सम्झौतामा पूर्वाञ्चल विश्वविद्यालयका उपकुलपति प्रा।डा।बिजुकुमार थपलिया र कोषको तर्फबाट पर्वतकुमार कार्कीले हस्ताक्षर गर।
सो अवसरमा उपकुलपति थपलियाले शिक्षक तथा कर्मचारीको उपदान सञ्चालन एवं व्यवस्थापन कोषलाई दिन पाएकोमा खुसी व्यक्त गर्नुभयो भने कोषका कार्यकारी निर्देशक कार्कीले उपदानको उचित व्यवस्थापन एवं सञ्चालन गर्ने र सहभागीलाई उचित प्रतिफल दिने प्रतिबद्धता व्यक्त गरे ।
