आर्थिकन्यूज
काठमाडौं । एथर स्कुटरको टेस्ट राइड जोनको शुभारम्भ भएको छ। नेपालका लागि एथर ब्राण्डको आधिकारीक आयातकर्ता तथा बिक्रेता एथर इनर्जी नेपालले काठमाडौंको बौद्धमा मंगलबार टेस्ट राइड जोनको शुभारम्भ गरेको छ। एथरको यो पहिलो टेस्ट राइड जोन हो ।
टेस्ट राइड जोनको उद्घाटन पारम्परिक बौद्ध पूजासँग सम्पन्न भएको थियो । जसले बौद्धको समृद्ध सांस्कृतिक सम्पदाप्रति सम्मान व्यक्त गर्दछ । यस पवित्र अनुष्ठानसँगै एथर इनर्जी नेपालले नवीनता र परम्पराको संयोजन गर्दै शहरी गतिशीलतामा सामञ्जस्य, समृद्धि र स्थिरताको प्रतीक प्रस्तुत गरेको कम्पनीको भनाई छ ।
एथर इनर्जी नेपालबारे
एथर इनर्जी नेपाल देशको नम्बर १ ईभी स्कूटर ब्रान्ड हो, जसले नवीनता, प्रदर्शन, र स्थिरतासँगै विद्युतीय गतिशीलतालाई पुनः परिभाषित गरिरहेको छ । ६ वटा एक्सपिरियन्स सेन्टर, ४ वटा सर्भिस हब, र देशभर २० वटा फास्ट चार्जिङ ग्रिडसहित, एथर इनर्जी नेपालले नेपालमा ईभीको नेतृत्व गरिरहेको छ ।
एथरको अनौठो टेस्ट राइड अवधारणा
परम्परागत डिलरशिपमा गरिने टेस्ट राइडभन्दा फरक, बौद्ध टेस्ट राइड जोनले सुरक्षित र प्रभावकारी अनुभव प्रदान गर्दछ, जहाँ सम्भावित ग्राहकहरूले एथर ४५० सिरिजका स्कूटरहरूको शक्ति, प्रदर्शन, र अत्याधुनिक प्रविधि अनुभूत गर्न सक्छन् । सुविधाजनक प्रक्रियासँगै, ग्राहकहरूले एथरका उन्नत सुविधाहरू प्रत्यक्ष अनुभव गर्न सक्नेछन् र आवश्यक परेमा तुरुन्तै खरिद गर्न सक्नेछन्।
“टेस्ट राइड जोनको सुरुवातले नेपालका जनतालाई उच्च श्रेणीको ईभी अनुभव नजिक ल्याउने महत्वपूर्ण कदम हो। हामी समुदायसँग अर्थपूर्ण संलग्नता सिर्जना गर्न चाहन्छौं, र परम्परा पूजासँगै बौद्धमा यात्रा सुरू गर्नु यसका लागि उत्तम माध्यम हो" एथर नेपालका सीईओ सूर्यांश वैद्यले बताए ।
एथर ४५० सिरिज : उत्कृष्ट प्रदर्शन र नवीनता
एथरको टेस्ट राइड जोनले ब्रान्डका प्रमुख स्कूटरहरू प्रदर्शन गर्नेछ, जसले नेपाली राइडरहरूलाई उत्कृष्ट इलेक्ट्रिक गतिशीलता अनुभव गर्ने अवसर दिनेछ:
•एथर ४५०एस-किफायती तर उच्च प्रदर्शनयुक्त ईभी, जसमा डीप भ्यु डिस्प्ले, अटो होल्ड, र एथरको विशेष राइडिङ अनुभव समावेश छ।
•एथर ४५०एक्स - नेपालको सबैभन्दा उन्नत इलेक्ट्रिक स्कूटर, जसमा वार्प मोड, ७ इन्च टचस्क्रिन (गूगल म्याप्स एकीकृत), फास्ट चार्जिङ क्षमता, र उत्कृष्ट गतिशीलता उपलब्ध छ ।
विशेष उद्घाटन अफर
यस शुभारम्भलाई स्मरणीय बनाउन, एथरले पहिलो ५० ग्राहकहरूका लागि सीमित समयको विशेष अफर ल्याएको छ, जसअनुसार उनीहरूले २० हजार रुपैयाँसम्मको क्यासब्याक वा ०% ब्याज दरमा ईएमआई योजना रोज्न सक्नेछन् । यस अभियानले नेपालका ग्राहकहरूका लागि उच्च-गुणस्तरीय ईभी प्रविधिलाई अझ सुलभ बनाउने एथरको लक्ष्यलाई बल पुऱ्याउने कम्पनीको दाबी छ।
