आर्थिकन्यूज
काठमाडौं । नेपा कुरीले आफ्नो सेवा सञ्चालन गरेको छ । आइतबार नेपा कुरीको केन्द्रीय कार्यालय काठमाडौंको शंखमूलमा एक कार्यक्रम गरेर आफ्नो सेवा सञ्चालन गरेको हो । हास्य कलाकार जीतु नेपालले कुरीको सेवा शुभारम्भ गरेका थिए ।
शुभारम्भ कार्यक्रममा बोल्दै प्रमुख अतिथि नेपालले नेपा कुरीले विदेशबाट पठाएको र नेपालबाट विदेशी पठाएको सामान सुरक्षित, भरपर्दो र विश्वसनीय ढंग सम्बन्धीत व्यक्तिसम्म पुर्याएर सेवाग्राहीको मन जित्ने सेवा सञ्चालन गर्न शुभकामाना दिएका थिए ।
कम्पनीका अध्यक्ष कृष्णबहादुर तामाङले नेपा कुरीले प्रविधिमैत्री सेवालाई आफ्नो पहिलो प्रथमिकता दिने बताए । उक्त कार्यक्रममा कम्पनीको सञ्चालक समितिका सहअध्यक्ष पुष्कर प्रसाद तिमल्सिनाले नेपा कुरीले नेपालमा नै स्वरोजगारको अवसर प्रदान गर्ने धारणा राखेका थिए ।
नेपा कुरीले इटहरी, झापाको विर्तामोड,लहान, वर्दिबास, चितवनको नारायणघाट, पोखरा,बुटबल, दाङको घोराही, बाँकेको नेपालगञ्ज र कैलालीको धनगढीमा पनि कार्यालय सञ्चालनमा ल्याएको कम्पनीले जनाएको छ । उक्त कम्पनीका सञ्चालहरुमा कृष्णबहादुर तामाङ, पुस्कर तिमल्सिना, चमार सिंह लामा, राजु गुरुङ र चन्द्रावती घिमिरे रहेका छन् ।
