आर्थिकन्यूज
काठमाडौं । किड्जी प्रिस्कुलले आफ्नो स्थापनाको दश वर्ष पूरा गरेको उपलक्ष्यमा एक रमाइलो कार्निवल आयोजना गरेको छ । यस कार्यक्रममा विद्यार्थी, अभिभावक र स्थानीय समुदायका सदस्यहरूको उत्साहजनक सहभागिता रहेको विद्यालयले जनाएको छ ।
कार्निवलमा विभिन्न खेलहरू, दौड प्रतियोगिताहरू र अन्तरक्रियात्मक खेलहरूको आयोजना गरिएको थियो, जसले सबैलाई मनोरञ्जन प्रदान गर्दै रमाइलोको अनुभव प्रदान गरेको छ । प्रतियोगिताका विजेताहरूलाई पुरस्कृत गरिए पनि यस कार्यक्रमको मुख्य आकर्षण नै किड्जी स्कुल परिवारको एकता र दश वर्षको उत्कृष्ट शैक्षिक यात्राको उत्सव थियो ।
नेपालको अग्रणी बाल विकास तथा शिक्षा संस्थाहरू मध्येको एक, किड्जी प्रिस्कुलले बालबालिकामा सिर्जनात्मकता, जिज्ञासा र समग्र विकासलाई प्रोत्साहन गर्ने लक्ष्य राख्दै आएको छ । यस वार्षिकोत्सव कार्यक्रमले बालबालिका र उनीहरूका परिवारहरूका लागि रमाइलो र उत्साहवद्र्धक वातावरण प्रदान गर्ने प्रतिबद्धतालाई थप बलियो बनाएको छ ।
