वी.पी. कोइराला स्वास्थ्य विज्ञान प्रतिष्ठानको सिनेट स्थगित

मन्त्री बस्नेतले परिवारवाद रोजेपछि तलब नै रोकियो, उपकुलपति कार्की दम्पत्ति थप विवादमा

२९ माघ २०८०

cover image

काठमाडौं । राजनीतिमा परिवारवाद मिसिँदा धरानस्थित वी.पी. कोइराला स्वास्थ्य विज्ञान प्रतिष्ठान थप धराशायी भएको छ । त्यहाँ कार्यरत स्वास्थ्यकर्मी र कर्मचारीहरूको तलब नै रोकिएको छ ।

माघ १२ गते स्वास्थ्य तथा जनसंख्या मन्त्री मोहनबहादुर बस्नेतले मन्त्रिस्तरीय निर्णय गरी प्रा.डा. संगीतासिं भण्डारीलाई प्रतिष्ठान कार्यकारिणी समिति सदस्य पदमा दुई वर्षका लागि नियुक्त गरेका थिए । प्रा.डा. भण्डारी प्रतिष्ठानका का.मु. उपकुलपति प्रा.डा. प्रह्लाद कार्कीकी श्रीमती हुन्‌ । 

उनै कार्कीले पुस २९ गते नै प्रतिष्ठानका रजिष्ट्रार प्रा.डा. सूर्यप्रसाद संग्रौलाको अख्तियारी खोसेका थिए । कार्कीले आफ्नो अख्तियारी खोस्नुको कारण समेत नदिएको संग्रौलाले स्वास्थ्यमन्त्री बस्नेतलाई पठाएको पत्रमा उल्लेख छ ।


प्रतिष्ठानका का.मु. उपकुलपति कार्कीकी श्रीमतीलाई स्वास्थ्यमन्त्री बस्नेतले दिएको नियुक्ति ।

अख्तियारी खोसिएपछि प्रतिष्ठानको आर्थिक गतिविधिहरू ठप्प भएको, करिब २०० जना शिक्षक तथा कर्मचारीको पुस महिनाको तलब भुक्तानी समेत दिन बाँकी रहेको संग्रौलाले पत्रमा उल्लेख गरेका छन्‌ ।

का.मू. उपकुलपति कार्कीले माघ १७ गते प्रतिष्ठानबाट जारी हुने सबै प्रकारका विज्ञप्ति, प्रेस नोट, जानकारी तथा अन्य पत्रहरू उपकुलपतिको कार्यालय वा निजको स्वीकृति लिई आधिकारिक निकायबाट वा प्रतिष्ठानको प्रवक्तामार्फत जारी गरिने र सोहीलाई मात्र आधिकारिक मानिने भनी सूचना जारी गरेका थिए । 

विवादित प्रतिष्ठानको सञ्चालक परिषद्‌को ४५ औं सभा बैठक आज (माघ २९ गते) स्वास्थ्य तथा जनसंख्या मन्त्रालयमा बस्दैछ । रजिष्ट्रार कार्कीले आफूलाई सभामा प्रस्तुत गर्नुपर्ने कुनै एजेण्डासमेत प्राप्त हुन नसकेको जानकारी दिएका थिए । विवादकै कारण आज प्रतिष्ठानको सभा बैठक स्थगित भएको छ ।

का.मू. उपकुलपति कार्की दम्पत्तिले प्रतिष्ठानका शिक्षक र कर्मचारीहरूको वृत्तिविकास रोकेको आरोप लाग्दै आएको छ । कार्की हालका विभागीय मन्त्री मोहन बस्नेतनिकट हुन्‌ । 

प्रतिष्ठानका कर्मचारीले उजुरी गरेपछि केही दिन अघि धरान उपमहानगरपालिकाका मेयर हर्क साम्पाङले उपकुलपति कार्कीको कार्यकक्षमा ताला नै ठोकिदिएका दिए । उच्च अदालत विराटनगरले आदेश दिएपछि ताला खोलिएको थियो ।


प्रतिष्ठानका रजिष्ट्रार संग्रौलाले स्वास्थ्यमन्त्रीलाई पठाएको पत्र ।

गत माघ ७ गते प्रधानमन्त्री पुष्पकमल दाहालले प्रतिष्ठानका का.मु. उपकुलपति कार्कीलाई आफ्नो कार्यकक्ष सिंहदरबारमै बोलाएर तत्काल कार्यकारिणी समिति बैठक डाक्न भनेका थिए । कार्कीले पदाधिकारीलाई काठमाडौं नै बोलाएर बैठक राख्न खोजेपछि प्रधानमन्त्री दाहालले धरानमै जान निर्देशन दिएका थिए ।

दाहालले विभागीय मन्त्री बस्नेतलाई पनि सोही दिन फोन गरेर २१ दिनभित्र परिषद्‌ सभा बैठक (सिनेट) डाक्न भनेका थिए । प्रधानमन्त्रीले दिएको समय पनि आजै सकिएको छ ।

Image

यसअघि संयुक्त राष्ट्रसङ्घका महासचिव एन्टोनियो गुटेरेसले पनि सोलुखुम्बुको स्याङबोचेमा पुगेर हिमाल पग्...

Image

लम्की–खक्रौला सडकको अहिलेसम्मको प्रगति हेर्दा वित्तीयरूपमा ५४ प्रतिशत र भौतिकरूपमा ६० प्रतिशतमात्र प...

Image

उनका अनुसार आजको बैठकमा सभामुखले  प्रदेशसभाको अधिवेशन आह्वानसम्बन्धीे, मौजुदा मन्त्रिपरिषद्मा नियुक्...

Image

सर्वाेच्चमा दर्ता गरिएको उक्त रिटमा उत्प्रेषण परमादेश लगायत अन्य जो चाहिने उपयुक्त आदेश जारी गरि पाऊ...

Image

आफैँले तय गरेका लक्ष्य कार्यान्वयन नभएको उल्लेख गर्दै प्रधानमन्त्रीले दाहालले चाहेको परिणाम प्राप्ति...

Image

चालु आवमा नगरभरिका २० जना किसानलाई जनही रु १० हजारका दरले प्रोत्साहनउपलब्ध गराउन लागिएको ढकालले बताए...

logo

सहयोग मार्ग, चन्द्रागिरी गल्ली, अनामनगर - २९ , काठमाडौं

+०९७७-१-५७०५७५०

प्रधान सम्पादक

सिताराम भट्टराई

कार्यकारी सम्पादक

विजय देवकोटा

अध्यक्ष/प्रबन्ध सम्पादक

ईन्द्र बानिया

व्यापार प्रवद्र्धन प्रमुख

राम कार्की

आर्थिक

+०९७७-१-५७०५७५०

ईन्द्र बानिया

९८५१०५६७६३

राम कार्की

९८५११८६०७४

सूचना विभाग दर्ता नं.

१५३/२०७३/०७४