सरकारले बजेट आकार २ खर्ब २० अर्बले घटायो, ८८.८४ प्रतिशत मात्रै खर्च हुने

२९ माघ २०८०

काठमाडौं । सरकारले चालू आर्थिक वर्षको बजेट आकार घटाउँदै लक्ष्यहरू संशोधन गरेको छ । अर्थमन्त्री डा. प्रकाशशरण महतले ‘बजेटको अर्धवार्षिक मूल्यांकन प्रतिवेदन सार्वजनिक गर्दै बजेट आकार २ खर्ब २० अर्ब ६९ करोड रुपैयाँले घटाएका हुन्‌ ।

अर्थमन्त्री महतले गत जेठ १५ गते संसद्‌मा चालू आर्थिक वर्षका लागि १७ खर्ब ९३ अर्ब ८३ करोड ७३ लाख रुपैयाँ बराबरको बजेट अनुमान पेश गरेका थिए । तर, आर्थिक वर्षको पहिलो ६ महिनामा बजेट कार्यान्वयन अवस्था सन्तोषजनक नभएपछि उनले अब बजेटको आकार १५ खर्ब ३० अर्ब २६ करोड ६२ लाख रुपैयाँ हुने संशोधित अनुमान सार्वजनिक गरेका हुन्‌ ।

अर्थ मन्त्रालयमा सोमबार पत्रकार सम्मेलन डाकेर मन्त्री महतले आर्थिक वर्षको अन्त्यसम्म शुरु कूल विनियोजनको ८७.३८ प्रतिशतमात्रै खर्च हुने बताए । चालुतर्फ ११ खर्ब ४१ अर्ब ७८ करोड रुपैयाँ विनियोजन गरेका अर्थमन्त्री महतले लक्ष्यमध्ये ८८.८४ प्रतिशत मात्रै खर्च हुने जानकारी दिएका छन् । उनका अनुसार असार मसान्तसम्म सरकारले चालूतर्फ १० खर्ब ७ अर्ब ४५ करोड ४६ लाख रुपैयाँ खर्च गर्नेछ । 

यसैगरी पूँजीगततर्फ ३ खर्ब ८० अर्ब ३८ करोड ४५ लाख रुपैयाँ छुट्याइएकोमा असार मसान्तसम्म लक्ष्यको ८४.१३ प्रतिशत अर्थात्‌ २ खर्ब ५४ अर्ब १३ करोड १९ लाख रुपैयाँमात्रै खर्च हुने अर्थ मन्त्रालयले संशोधित अनुमान गरेको छ ।

यो आर्थिक वर्षमा १० खर्ब रुपैयाँभन्दा बढी राजस्व उठ्ने सम्भावना नदेखिएकाले यो लक्ष्य पनि घटाइएको छ । सरकारले बजेट वक्तव्यमा १४ खर्ब ९६ अर्ब ११ करोड रुपैयाँ राजस्व र आन्तरिक ऋण उठाउने लक्ष्य राखेको थियो । तर, यो लक्ष्य संशोधन गर्दै १३ खर्ब ९ अर्ब ३० करोडमा झारिएको छ । 

वैदेशिक अनुदानतर्फको लक्ष्य पनि घटाइएको छ । मन्त्रालयले शुरुम ५५ अर्ब ४५ करोड ८३ लाख रुपैयाँ वैदेशिक अनुमान अपेक्षा गरेकोमा लक्ष्य संशोधन गरेर ४० अर्ब १२ करोड ९ लाख रुपैयाँमा झारेको छ । संशोधित लक्ष्य शुरू अनुमानको ८०.३३ प्रतिशत हो ।

वैदेशिक ऋणबाट २ खर्ब ४२ अर्ब २६ करोड उठाउने लक्ष्य पनि ८५ प्रतिशतमा सीमित गर्दै १ खर्ब ८० अर्ब ८३ करोड रुपैयाँ झारिएको छ । सरकारले आर्थिक कार्यविधि तथा वित्तीय उत्तरदायित्व ऐन, २७६ को अधीनमा रही बजेटको अर्धवार्षिक मूल्यांकन गरेको हो ।

बजेट समीक्षा पूर्णपाठः

Image

कुवेती दिनार एकको खरिददर ४३० रूपैयाँ २१ पैसा र बिक्रीदर ४३२ रूपैयाँ १६ पैसा तोकिएको छ । त्यस्तै, बहर...

Image

केन्द्रीय बैंकजस्तो निकै महत्त्वपूर्ण निकायमा किन यस्तो भइरहेको छ ? यो प्रश्नले बाहिरकालाई भन्दा धेर...

Image

कैदीबन्दीले उत्पादन गरेका ढाकाटोपी बिक्रीका लागि आफूहरूले समेत बजार तथा ग्राहक खोजी गरिदिने गरेको जे...

Image

मालेपाटन र ढोडवेंशी क्षेत्रमा विगतमा रु ७० लाखदेखि रु एक करोडसम्म खुदोको कारोबार हुने गरेको थियो । प...

Image

तालिममा बागमती प्रदेशसभा सदस्य भारती पाठकले वनबाट समृद्धि सम्भव भएको भन्दै वनमा आधारित उद्यम विकासका...

Image

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख १८ हजार ४ सय रुपैयाँ रह...

logo

सहयोग मार्ग, चन्द्रागिरी गल्ली, अनामनगर - २९ , काठमाडौं

+०९७७-१-५७०५७५०

प्रधान सम्पादक

सिताराम भट्टराई

कार्यकारी सम्पादक

विजय देवकोटा

अध्यक्ष/प्रबन्ध सम्पादक

ईन्द्र बानिया

व्यापार प्रवद्र्धन प्रमुख

राम कार्की

आर्थिक

+०९७७-१-५७०५७५०

ईन्द्र बानिया

९८५१०५६७६३

राम कार्की

९८५११८६०७४

सूचना विभाग दर्ता नं.

१५३/२०७३/०७४