भारतमा पुन: किसान विद्रोह हुँदै, हरियाणामा इन्टरनेट नै बन्द

२८ माघ २०८०

cover image

एजेन्सी । भारतमा पुनः किसान आन्दोलन चर्किएको छ । हरियाणाका किसानहरू कृषि उपजको न्यूनतम समर्थन मूल्य माग्दै हरियाणाका किसानहरू दिल्ली घेर्न जान लागेपछि त्यहाँ नरेन्द्र मोदीको सरकारले इन्टरनेट सेवा नै बन्द गरिदिएको छ ।

कृषिमा निजी लगानी विस्तार र सत्ता संरक्षित व्यापारी तथा बहुराष्ट्रिय कम्पनीलाई मुनाफा कुम्ल्याउन दिनेगरी ल्याइएका तीन कानुन तत्काल खारेज गर्न माग राख्दै भारतका किसानहरूले सन्‌ २०२२ अगष्टदेखि विशाल आन्दोलन छेडेका थिए । कृषि औजार र उपकरणसहित दिल्लीलाई चारैतर्फबाट घेरेका किसानहरूलाई मोदी सरकारले सैनिक परिचालन गरी बर्बरतापूर्वक दबाएको थियो ।

त्यतिखेर भारतले निकै रक्तपातपूर्ण किसान विद्रोह भोगेको थियो । त्यसको ४ वर्ष नबित्दै न्यूनतम समर्थन मूल्यकै मामिलालाई लिएर झारखण्डका किसानहरूले ‘दिल्ली कूच’ अभियान शुरू गरेका छन्‌ ।

विश्वले दलाल पूँजीवादी सत्ताको चरित्र देख्नेगरी राजधानी क्षेत्रमा ४ वर्ष अघिकै अवस्था निम्तिन नदिन मोदी सरकारले आन्दोलनको आधार क्षेत्र अर्थात्‌ ग्रामीण इलाकाहरूमै किसानमाथि दमन थालेको छ ।

हरियाणाका किसानहरूले पर्सी (फेब्रुअरी १३ मा) आन्दोलनका लागि दिल्ली जाने कार्यक्रम तय गरिसकेका छन्‌ । किसान बाहुल्य हरियाणामा ‘दिल्ली कूच’ नाराले स्थिति तताएको छ । यो नाराले किसानहरूमा दिल्ली घेर्ने उद्वेलन पैदा गरिरहँदा हरियाणा पुलिसले एड्भाइजरी नै जारी गरेको छ भने सरकारले राज्यका सात जिल्लामा इन्टरनेट सेवामा रोक लगाएको छ ।


सन्‌ २०२० मा दिल्लीमा भएको विद्रोहमा मारिएका किसानको शव । तस्वीर : बीबीसी

न्यूनजम समर्थन मूल्य र कृषि कर्जा मिनाह लगायत माग राखी पञ्‍चाब र हरियाणाका किसान संगठनहरूले ‘दिल्ली जाऊँ’ नारा दिएका हुन्‌ । भारतको किसान आन्दोलन इतिहासमा पञ्‍जाबी किसानहरू निकै खतरनाक मानिन्छन्‌ । पञ्जाब र हरियाणाका किसान एकजुट भई गर्न लागेको आन्दोलन ४ वर्ष अघिको भन्दा पनि थप भयानक बन्नसक्ने देखिएको छ ।

हरियाणा पुलिसले पञ्जाबतर्फको सडकमा सवारी प्रभावित हुनसक्ने देखिएकाले अत्यावश्यक परेमात्रै सो बाटोबाट यात्रा गर्न भनेको छ । पञ्‍जाबको गृह मन्त्रालयले हरियाणाका सात जिल्लामा आज बिहानदेखि १३ फेब्रुअरीसम्म मोबाइलमा इन्टरनेट बन्द हुने जनाएको छ । अफवाह रोक्नका लागि अम्बाला, कुरुक्षेत्र, कैथल, जिन्द, हिसार, फतेहावाद र सिरसामा इन्टरनेट बन्द गर्ने निर्णय गरिएको त्यहाँको सरकारले दाबी गरेको छ ।

पञ्‍जाब किसान मजदूर संघर्ष समितिका महासचिव सरवन सिंह पन्धेरले फेब्रुअरी १२ को बेलुकी पाँच बजे चण्डीगढम केन्द्रीय मन्त्री अर्जुन मुन्डा, पीयूष गोयल र नित्यानन्द रायसँग बैठक गरी किसान संगठनका मागबारे छलफल हुने बताएका छन्‌ । उनले भनेका छन्‌, ‘हामी वार्ता र आन्दोलन दुबैबाट पछि हट्दैनौं ।’

दिल्ली र हरियाणाको बीचमा रहेको सिंघू और टिकरी बोर्डर इलामामा पनि सुरक्षा बढाइएको छ । दिल्ली पुलिसले गाजीपुर बोर्डरमा ब्यारिकेड लगाउन थालेको छ ।

Image

कुवेती दिनार एकको खरिददर ४३० रूपैयाँ २१ पैसा र बिक्रीदर ४३२ रूपैयाँ १६ पैसा तोकिएको छ । त्यस्तै, बहर...

Image

केन्द्रीय बैंकजस्तो निकै महत्त्वपूर्ण निकायमा किन यस्तो भइरहेको छ ? यो प्रश्नले बाहिरकालाई भन्दा धेर...

Image

कैदीबन्दीले उत्पादन गरेका ढाकाटोपी बिक्रीका लागि आफूहरूले समेत बजार तथा ग्राहक खोजी गरिदिने गरेको जे...

Image

मालेपाटन र ढोडवेंशी क्षेत्रमा विगतमा रु ७० लाखदेखि रु एक करोडसम्म खुदोको कारोबार हुने गरेको थियो । प...

Image

तालिममा बागमती प्रदेशसभा सदस्य भारती पाठकले वनबाट समृद्धि सम्भव भएको भन्दै वनमा आधारित उद्यम विकासका...

Image

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख १८ हजार ४ सय रुपैयाँ रह...

logo

सहयोग मार्ग, चन्द्रागिरी गल्ली, अनामनगर - २९ , काठमाडौं

+०९७७-१-५७०५७५०

प्रधान सम्पादक

सिताराम भट्टराई

कार्यकारी सम्पादक

विजय देवकोटा

अध्यक्ष/प्रबन्ध सम्पादक

ईन्द्र बानिया

व्यापार प्रवद्र्धन प्रमुख

राम कार्की

आर्थिक

+०९७७-१-५७०५७५०

ईन्द्र बानिया

९८५१०५६७६३

राम कार्की

९८५११८६०७४

सूचना विभाग दर्ता नं.

१५३/२०७३/०७४