बारपाकमा भित्र्याउने बेलाको गहुँ र जौ असिनापानीले नष्ट

१८ चैत्र २०८०

cover image

सांकेतिक तस्वीर ।

गोरखा । बारपाक क्षेत्रमा परेको भीषण वर्षा र असिनाले किसानले भित्र्याउने बेला भएको गहुँ र जौ खेतमै नष्ट भएको छ।

शनिबार साँझ वर्षासँगै परेको ठूलो असिनापानीले बारपाक क्षेत्रका सबैजस्तो ठाउँमा लगाइएको जौ, गहुँलगायतका अन्य तरकारी बालीमा पूर्णरूपमा क्षति पुगेको बारपाक सुलिकोट गाउँपालिका–१ का वडाध्यक्ष धनबहादुर घलेले जानकारी दिए।

बारपाकका करिब एक हजार तीन सयभन्दा बढी घरघुरीका किसानले घरमा भित्र्याउने बेला भएको गहुँ र जाँ असिनापानीले नष्ट गरेको उनले बताए।

‘शनिबार ४ बजेदेखि लगातार तीन घण्टाभन्दा बढी बारपाक क्षेत्रमा भीषण वर्षासँगै असिना परेको थियो’, वडाध्यक्ष घलेले भने, ‘ठूलो पानी र ठूलाठूला असिनाले घरमा भित्र्याउने बेला भएको अन्नबाली नष्ट भएपछि अहिले बारपाकका किसान चिन्तामा परेका छन्।’

असिनापानीले बारपाक क्षेत्रमा किसानले लगाएको हिउँदे तरकारी बालीसमेत पूर्ण रूपमा नष्ट भएको छ। बारपाकको सोर्पा, र्खोका, च्वेजङ्ग, तसीरङ्ग, र्मोकङ्ग लगायतका क्षेत्रमा किसानले अत्याधिक मात्रामा जौँ र गहुँको खेती गर्ने गर्दछन्। ‘धेरैजसोको त जौ, गहुँ, आलुको बीउसमेत आउने अवस्था छैन’, वडाध्यक्ष घलेले भने, ‘अव के गर्ने भन्ने चिन्तामा परेका छौँ।’

असिनापानीले कति मूल्य बराबरको क्षति भयो भन्ने यकीन भइनसकेको उनको भनाइ छ। ‘बारपाक क्षेत्रमा प्रायःसबै घरपरिवारले हिउँदे तरकारीखेती, गहुँ र जौको खेती गरेकै हुन्छ’, वडाध्यक्ष घलेले भने, ‘अहिलेसम्म क्षतिको पूरै विवरण सङ्कलन गर्न सकिएको छैन, अब प्राविधिकलाई बोलाएर के गर्ने भन्नेबारेमा छलफल गर्नेछौँ।’ किसानलाई क्षतिपूर्तिको व्यवस्था नभए किसान थप समस्यामा पर्ने भन्दै उनले चिन्तासमेत व्यक्त गरे।

‘यहाँ धेरैले आफैँ खानका लागिमात्र भए पनि र कतिपयले बिक्री गर्ने गरी हिँउदे तरकारी बाली आलु, प्याज, लसुनलगायतका खेती गरेका थिए’, उनले भने, ‘ठूलो असिनापानीले सबै क्षति गरेको छ।’ एउटै घरको न्यूनतम दुईदेखि तीनमुरीसम्म आलु क्षति भएको उनको भनाइ छ।

‘बारीमा गएर हेर्दा रुन मन लाग्छ’, स्थानीय किसान मनबहादुर घलेले भने, ‘जौ र गहुँ त पूरै असिनाले छोपेर सेतै पो भएछ अब के खाने हो रु’ उनले असिनापानीले बालीनाली ढलेर सोत्तर भएको बताए। ‘अलिअलि भएको पनि बटुल्नसक्ने अवस्था छैन’, घलेले भने, ‘खानका लागि त छोड्दिनुस् अर्को वर्ष बीउ लगाउनका लागि अब कहाँ खोज्ने हो भन्ने अवस्था बारपाकका किसानहरुको भएको छ।’

भौतिक संरचनामा क्षति 

भीषण वर्षापछि आएको बाढीले बारपाकमा थुप्रै भौतिक संरचनामा क्षति पुगेको छ। ‘बारपाक स्वास्थ्य चौकीमा डाँडाबाट आएको भलसँगै आएको पहिरो छिरेर स्वास्थ्यचौकीको तारबारसहित पर्खाल बगाएको छ’, वडाध्यक्ष घलेले भने, ‘स्वास्थ्यचौकीमा मात्र रु तीन लाखभन्दा बढीको क्षति भएको अनुमान छ।’

त्यस्तै वडा नं १ मा रहेको श्री हिमालय माध्यामिक विद्यालयमा भलसँगै आएको बाढीले क्षति पुर्‍याएको छ। ‘बाढीले विद्यालयको तारबार, स्कुलको जग खोतलेर लगेको छ’, उनले भने, ‘ऐरेलपाखा खानेपानी आयोजनामा पानी र बाढीले क्षति पुर्‍याएको छ।’ रासस

Image

कालिमाटी तरकारी बजारमा आजका लागि विभिन्न तरकारी तथा फलफूलको मूल्य कालिमाटी तरकारी तथा फलफूल विकास सम...

Image

कृषि सेवा शाखा प्रमुख महतोका अनुसार चार वडालाई नगरपालिकाले पकेट क्षेत्रको रुपमा घोषणा गरेको छ । पकेट...

Image

तर, हाम्रो सरकार भने विदेशी शक्ति केन्द्रहरूलाई रिझाउने र नेपाल भित्रै रहेका नेपाली विरोधी व्यापारी ...

Image

करिब ११ महिना गोदममा थन्किएको मल आयातकर्ता ट्रान्स सिल्कले आवश्यक प्रक्रिया पूरा गरेसँगै मल काठमाडौं...

Image

बेनी नगरपालिका–८ का वडाध्यक्ष उत्तमकुमार कर्माचार्यले रु तीन करोडको लागतमा भवन निर्माण गर्न थालिएको ...

Image

त्यस्तै, स्याउ(फूजी) के जी ३२५ रुपैयाँ रहेको कालिमाटी तरकारी तथा फलफूल विकास  समितिले जनाएको छ । त्य...

logo

सहयोग मार्ग, चन्द्रागिरी गल्ली, अनामनगर - २९ , काठमाडौं

+०९७७-१-५७०५७५०

प्रधान सम्पादक

सिताराम भट्टराई

कार्यकारी सम्पादक

विजय देवकोटा

अध्यक्ष/प्रबन्ध सम्पादक

ईन्द्र बानिया

व्यापार प्रवद्र्धन प्रमुख

राम कार्की

आर्थिक

+०९७७-१-५७०५७५०

ईन्द्र बानिया

९८५१०५६७६३

राम कार्की

९८५११८६०७४

सूचना विभाग दर्ता नं.

१५३/२०७३/०७४