काठमाडौं । सिएफमोटो र जिहाे ब्राण्डको नेपालका लागि आधिकारिक वितरक रिलायन्स ग्रुप अन्तर्गतको ऋषि ट्रेड सेन्टरले मोटरसाइकल तथा स्कुटर नेपाली बजारमा ल्याएको छ । कम्पनीले जिहो ब्राण्डका विद्युतीय स्कुटरहरू नेपाली बजारमा सार्वजनिक गरेको हो ।
यस अन्तर्गत सिएफमोटोका एनके २५० फन, एसआर २५० फन र एनके ४५० मोडलहरू रहेका छन् । जिहोको एईसिक्सप्लस र एईसिक्सप्लस लङ रेञ्ज मोडलका विद्युतीय स्कुटर र सिटी स्पोर्ट नामक विद्युतीय बाइक रहेका छन् ।
नेपालमा यी ब्राण्ड ऋषि ट्रेड सेन्टरले आफ्नो पूर्ण व्यवस्थापनको साथ गत वर्ष सञ्चालनमा ल्याएसँगै सिएफमोटो ब्राण्ड र यस अन्तर्गतको जिहो ब्राण्डका इलेक्ट्रिक मोबिलिटीले समेत राम्रो रफ्तार लिएको देखिन्छ ।
नयाँ सिएफमोटो बाइकहरूमा २५० एनकेको मूल्य ५ लाख ९९ हजार ९ सय रुपैयाँ, २५० एसआरको मूल्य ६ लाख ७४ हजार ९ सय रुपैयाँ र ४५० एनकेको मूल्य ११ लाख १९ हजार ९ सय रुपैयाँ रहेको कम्पनीले जनाएको छ । जिहोका मूल्य ३ लाख ४४ हजार ९ सय रुपैयाँदेखि ३ लाख ४९ हजार ९ सय रुपैयाँ रहेको कम्पनीले जानकारी दिएको छ ।