काठमाडौं । साविक प्राइम लाइफ, युनियन लाइफ र गुराँस लाइफ इन्स्योरेन्स गाभिई बनेको हिमालयन लाइफ इन्स्योरेन्सले व्यतित बीमालेखमा लाग्ने बिलम्ब शुल्कमा छुट दिने भएको छ । कम्पनीले २०८१ साल बैशाख ९ गतेदेखि २४ गतेसम्म नविकरण तथा पुनर्जागरण गर्दा विभिन्न शर्तको अधिनमा रहि बीमाशुल्कमा लाग्ने बिलम्व शुल्कमा छुट दिने भएको हो ।
तीन वर्षसम्म बीमालेख व्यतित भएको अवस्थामा बीमाशुल्कको ब्याज तथा जरिवानामा शतप्रतिशत छुट दिने जानकारी कम्पनीले दिएको छ । त्यस्तै ३ वर्ष माथि देखि ५ वर्षसम्म व्यतित बीमालेखमा ५० प्रतिशत, ५ वर्षमाथी देखि ७ वर्षसम्म व्यतित बीमालेखमा ३५ प्रतिशत र ७ वर्ष माथी देखि जतिसुकै अवधिको व्यतित बीमालेखमा २५ प्रतिशत ब्याज तथा जरिवानामा छुट प्रदान गर्ने कम्पनीको भनाई छ ।
उल्लेखित किसिमको व्यतित बीमालेख पूनर्जागरण गर्दा दिइएको छुट सुविधा बीमा अवधिभर एक पटक मात्र प्रदान गरिने जानकारी कम्पनीले दिएको छ । कम्पनीबाट ब्याज तथा जरिवान छुट सुविधाको उपयोग गरी नविकरण गराईएका बीमालेखहरू बीमालेख नविकरण भएका मितिले दुई वर्ष भित्र बीमित तथा प्रस्तावकहरूले नियमानुसार समर्पण गर्न चाहेमा बीमालेख नविकरण गर्दा छुट प्रदान गरिएको ब्याज तथा जरिवाना वापतको रकम कट्टा गरिने कम्पनीले जानकारी दिएको छ ।
