काठमाडौं । एशियन लाइफ इन्स्योरेन्स कम्पनी लिमिटेडले पारित गरेको करिब २ महिनाभित्रै बोनस शेयर सूचीकृत गराएको छ । कम्पनीले गत फागुन १८ गते सम्पन्न १६औं वार्षिक साधारण सभाबाट पारित ७ दशमलव ७५ प्रतिशत बोनस शेयर वैशाख ९ गते दोस्रो बजारमा सूचीकृत गराएको हो ।
कम्पनीले उक्त बोनस शेयर वापत्को २४ लाख ४५ हजार ३५७ दशमलव ९ कित्ता शेयर दोस्रो बजारमा सूचीकृत गराएको हो । कम्पनीले गत आर्थिक वर्ष ०७९÷८० को मुनाफाबाट ३ अर्ब १५ करोड ५३ लाख रूपैयाँको आधारमा ७ दशमलव ७५ प्रतिशत बोनस शेयरसँगै कर प्रयोजनका लागि शून्य दशमवलव ४१ प्रतिशत नगद लाभांश समेत वितरण गर्ने प्रस्ताव पारित गरेको छ ।
वैशाख १० गतेदेखि कारोबारयोग्य हुने यी शेयर सम्बन्धित शेयरधनीहरूले आफ्नो हितग्राही खातामा जम्मा भएपछि मात्र कारोबार गर्न सक्नेछन् । साधारण सभा प्रयोजनका लागि कम्पनीले फागुन ८ गते एक दिन बुक क्लोज गरेको थियो । बुक क्लोजको आधारमा फागुन ७ गतेसम्म कायम शेयरधनीहरूले मात्र बोनस शेयर प्राप्त गर्न सक्नेछन् ।
