काठमाडौं । नव वर्ष २०८१ सालको आगमनसँगै सिटिजन लाइफ इन्स्योरेन्स कम्पनीले नयाँ र अद्वितीय ढङ्गले सेवाग्राहिहरुलाई सहायता पुर्याउने उद्देश्यका साथ कार्यक्रमहरू तयार पारेको छ । उक्त कार्यक्रमहरू मध्यको एक जेन जेड (जेनेरेसन–जेड) रहेको छ ।
युवा पुस्ताहरूलाई मध्य–नजर गर्दै “सिटिजन विथ जेन जेड” कार्यक्रमहरू सञ्चालन गर्ने, भविष्यका लागि जीवन बीमा र लगानीको महत्वबारे बुझाउने र युवा वर्गहरू आकर्षित हुने कार्यक्रमहरू सञ्चालन गरी उनीहरूलाई सचेत गराउने र चाहिने सहयोग पुर्याउने कम्पनीले जनाएको छ । सिटिजन आफैमा नेपालको जीवन बीमा कम्पनीहरू मध्ये कान्छो कम्पनीहरूमा पर्दछ ।
यस कम्पनीमा कार्यरत कर्मचारीहरू पनि धेरै जसो युवा उमेर समूहकै छन् । सायद त्यसैले नै होला यस कम्पनीले सधैँ जोस र जागरका साथ नयाँ र आक्रामक रणनीति लिएर व्यापार प्रतिस्पर्धा उच्च स्थान हासिल गरी सधैँ आफूलाई प्रमाणित गर्दै आइरहेको छ । हाल सिटिजनले कम्पनीको आन्तरिक कर्मचारीहरू आकर्षित हुने रचनात्मक र चुनौतीपूर्ण कार्य, आफ्नो कुशलता प्रस्तुत गर्ने अवसर, विभिन्न तालिम र सीप विकास कार्यक्रमहरूमा सहभागी हुने साथै विभिन्न खेलकुद प्रतियोगिताहरूमा सहभागी हुने अवसर प्रदान गरिरहेको छ ।
यसै वर्षदेखि विविधतामा एकता पहलका साथै कम्पनी भित्र विभिन्न जात, धर्म र सांस्कृतिक परिभाषाका कर्मचारीहरू मध्ये विविधतामा समावेशिताको भावना जगाउनका लागी विभिन्न सांस्कृतिक कार्यक्रमहरूको आयोजना गराउने तयारी गरेको छ ।