काठमाडौं । नेपालमा सञ्चालित बीमा कम्पनीहरुले चालू आर्थिक वर्षको तेस्रो त्रैमाससम्ममा एक खर्ब भन्दा बढीको बीमाशुल्क संकलन गरेका छन् । चालू आवको साउनदेखि चैत्र मसान्तसम्ममा जीवन बीमा कम्पनीहरुले १ खर्ब १० अर्ब ८ करोड २७ लाख रुपैयाँ शुल्क संकलन गरेका हुन् । यो बीमाशुल्क संकलनका लागि कम्पनीहरुले १ करोड ३८ लाख ३२ हजार ६०१ वटा बीमालेख बिक्री गरेका थिए ।
त्यस्तै, चैत्र महिनामा मात्रै बीमा कम्पनीहरुले ११ अर्ब ५५ करोड १० लाख रुपैयाँ बीमाशुल्क संकलन गरेका छन् । जुन बीमाशुल्क प्रथमबाट २ अर्ब ७९ करोड ६६ लाख र नवीकरणबाट ८ अर्ब ७५ करोड ४४ लाख रुपैयाँ संकलन भएको हो ।
बीमा प्राधिकरणका अनुसार तेस्रो त्रैमाससम्ममा निर्जीवन बीमा कम्पनीहरुले २९ अर्ब ९९ करोड ७६ लाख रुपैयाँ बीमाशुल्क संकलन गरेका छन् । जसमा उनीहरूले २१ लाख ९३ हजार ५५७ वटा बीमालेख बिक्री गरेका थिए ।
त्यसैगरि, चैत्र महिनामा मात्रै निर्जीवन बीमा कम्पनीहरुले २ लाख ७६ हजार ८८१ वटा बीमालेख बिक्री गरेर ३ अर्ब ८३ करोड २६ लाख रुपैयाँ बीमाशुल्क संकलन गरेका छन् ।
