काठमाडौं । चालू आर्थिक वर्षको दोस्रो त्रैमाससम्म चिरख्वा हाइड्रोपावर लिमिटेड ८ लाख ७९ हजार रूपैयाँभन्दा बढी खुद नोक्सानीमा रहेको छ । सूचीकृत कम्पनीहरूले चालू आर्थिक वर्षको तेस्रो त्रैमाससम्मको वित्तीय विवरण सार्वजनिक गरिरहँदा यस कम्पनीले भने बल्ल दोस्रो त्रैमाससम्मको वित्तीय विवरण सार्वजनिक गरेको हो ।
पहिलो त्रैमाससम्म ५ लाख ५६ हजार रूपैयाँभन्दा बढी खुद नोक्सानीमा रहेको कम्पनीको दोस्रो त्रैमाससम्मा खद नोक्सानी बढेको हो । कम्पनीको कुल खर्च बढेसँगै खुद नोक्सानीमा असर परेको हो । कर्मचारी खर्च पहिलो त्रैमाससम्ममा १ लाख ४८ हजार रूपैयाँभन्दा बढी भएकोमा दोस्रो त्रैमाससम्मा ३ लाख ३१ हजार रूपैयाँभन्दा बढी भएको छ ।
त्यस्तै, व्यवस्थापकिय खर्च पहिलो त्रैमासम्म ४ लाख ७ हजार रूपैयाँभन्दा बढी भएकोमा दोस्रो त्रैमाससम्म ५ लाख ४८ हजार रूपैयाँभन्दा बढी भएको छ । दोस्रो त्रैमासम्ममा कम्पनीले निर्माण गरेको माथिल्लो चिरख्वा खोला जलविद्युत आयोजनाको निर्माण कार्य सम्पन्न भएको जानकारी दिएको छ । यस अवधिसम्म योजनाले विद्युत विक्री आम्दानी भने गरेको छैन ।
हाल कम्पनीको चुक्तापूँजी ४० करोड रूपैयाँ रहेको छ । रिटर्न अर्निग भने यो त्रैमाससम्म ३ करोड ९८ लाख रूपैयाँभन्दा बढी ऋणात्मक रहेको छ । दिर्घकालिन कर्जा ५४ करोड ७९ लाख रूपैयाँभन्दा बढी रहेको कम्पनीको अल्पकालिन कर्जा भने ६ करोड २८ लाख रूपैयाँभन्दा बढी छ । कम्पनीको कुल सम्पत्ति ३९ करोड ६० लाख रूपैयाँभन्दा बढी रहेकोमा कुल दायित्व ६८ करोड ९२ लाख रूपैयाँभन्दा बढी छ । दोस्रो त्रैमाससम्म कम्पनी २२ पैसा प्रतिशेयर नोक्सानीमा रहेको छ भने प्रसितशेयर नेटवर्थ ९९ रूपैयाँ छ ।