काठमाडौं । आरविवि म्युचुअल फण्ड –१ ले चैत मसान्तसम्म धितोपत्रमा १ अर्ब ७८ करोड रूपैयाँभन्दा बढी लगानी गरेको छ । धितोपत्र दलाल कमिसन सहित योजनाले उक्त रकम बराबर धितोपत्रमा लगानी गरेको जानकारी दिएको हो ।
यस अवधिसम्म योजनाले बैंक मुद्दति निक्षेपमा १८ करोड ७५ लाख रूपैयाँ लगानी गरेको छ । योजनाले धितोपत्रमा गरेको लगानीको बजार मूल्य भने ८७ करोड ८१ लाख रूपैयाँभन्दा बढी रहेको छ । सात वर्षे अवधिको बन्दमुखी प्रकृतिको यस योजनाले १२ करोड ५० लाख इकाई जारी गरेको थियो ।
चैत मसान्तसम्म योजनाको प्रति इकाई खुद सम्पत्ति मूल्य ९ रूपैयाँ ८३ पैसा कायम रहेको छ । फागुन मसान्तसम्म यो मूल्य १० रूपैयाँ ५ पैसा थियो । चैत मसान्तसम्म योजनाले २ करोड ७४ लाख रूपैयाँभन्दा बढी नाफा गरेको छ । फागुनको तुलनामा योजनाको नाफा चैतमा घटेको हो ।
फागुन मसान्तसम्म योजनाले ५ करोड ५० लाख रूपैयाँभन्दा बढी नाफा गरेको थियो । चैतमा योजनाले ४३ करोड २ लाख रूपैयाँभन्दा बढी आम्दानी गरेको छ भने १ करोड ५७ लाख रूपैयाँभन्दा बढी खर्च गरेको छ ।